ఆ రోజు విమానంలో అసలేం జరిగింది..? పిన్ టూ పిన్ వివరించిన పైలట్ స్మిత్ మచ్చర్

న్యూఢిల్లీ: ఫ్లైదుబాయ్ విమానంలో జరిగిన భయానక దాడి గురించి కెప్టెన్ స్మిత్ మచ్ఛార్ తొలిసారి స్పందించారు. ఆ రోజు విమానంలో తనపై జరిగిన దాడి, ప్రాణం కోసం చేసిన పోరాటం, ప్రయాణికులు ఆందోళన, ఇతర పైలట్లు విమానాన్ని సేఫ్‎గా ల్యాండింగ్ చేయడం వంటి విషయాలను స్కై న్యూస్ అరేబియాకు ఇచ్చిన ఇంటర్వ్యూలో పిన్ టూ పిన్ వివరించారు. ఒమన్‎కు చెందిన కో పైలట్ చేసిన దాడిలో తీవ్రంగా గాయపడ్డ తాను స్పృహ కోల్పోకుండా పోరాడుతూ.. బ్రతుకుతానో లేదోనని ఆందోళన చెందానని మచ్చర్ తెలిపారు. కానీ ప్రయాణికులను రక్షించడం కోసం ఎలాగైనా ప్రాణాలతో ఉండాలని కోరుకున్నానని చెప్పారు.

‘‘విమానం దుబాయ్ నుంచి ఇజ్రాయెల్‎లోని టెల్ అవీవ్‎కు వెళ్తుండగా ఫ్లైట్‎లో ఉన్న ఒమన్‏కు చెందిన కో పైలట్ తనపై వెనక నుంచి గొడ్డలితో దాడి చేశాడు. ఈ దాడిలో తలకు తీవ్రంగా గాయమైంది. ప్రాణాలకు తెగించి అతనితో పోరాడా. తనలోని శక్తినంతా కూడగొట్టుకుని ఎలాగోలా కాక్ పిట్ డోర్ ఓపెన్ చేశా. కాక్‌పిట్ తలుపు తెరిచిన తర్వాత విమానంలో తీవ్ర భయాందోళనలు, కేకలు వినిపించాయి.