Loading…
టేక్మాల్: మెదక్ జిల్లా టేక్మాల్ మండలం షాబాద్ గ్రామపంచాయతీ పరిధిలోని దండువానికుంట శివారులో ట్రాన్స్ ఫార్మర్ వద్ద మరమ్మత్తులు చేస్తుండగా కరెంట్ షాక్ తగిలి షాబాద్ కు చెందిన అనిల్ (26) మరణించాడు. విద్యుత్తు సరఫరాలో తరచుగా అంతరాయంఏర్పడుతుండటంతో పొలాలకు నీళ్లు అందక తీవ్ర ఇబ్బందులు ఎదురవుతున్నాయి. దీంతో సమీపంలోని ట్రాన్స్‌ఫార్మర్ కు కరెంట్ కనెక్షన్ మార్చుకోవ డానికి సిద్ధమయ్యారు. ఆ సమయంలో కరెంటు లేకపోవడంతో వెంటనే కనెక్షన్ మార్చుకుం దామనే ఆలోచనతో నిచ్చెన సహాయంతో ట్రాన్స్‌ఫార్మర్ వద్ద కరెంటు పోల్ పైకి ఎక్కాడు. ఆ సమయంలో లైన్ మెన్ సైతం అక్కడే ఉన్నాడు.
అతను నిచ్చెనపై నిల్చోగా అనిల్ విద్యుత్తు కనెక్షన్ ఇస్తున్నాడు. ఇంతలో విద్యుత్తు సరఫరా కావడంతో ప్రమాదవశాత్తున షాక్ తగిలింది. దీంతో అతను కరెంట్ పోల్ పైనే ప్రాణాలను కోల్పోయాడు. లైన్ మెన్ కింద పడిపోవడంతో గాయాలయ్యాయి. విద్యుత్తు అధికారుల నిర్లక్ష్యం కారణంగానే యువకుని ప్రాణాలు పోయాయని మృతుడి బందువులు ఆందోళనకు దిగారు. ఎల్లుపేట సబ్ స్టేషన్ ఆపరేటర్ పై స్థానికులు దాడి చేశారు. అనిల్ మరణంతో తండాలో విషాదఛాయలు అలుముకున్నాయి.