గోల్డ్‌ ఫండ్స్‌లో పెట్టుబడులు ఆపేసిన మ్యూచువల్ ఫండ్స్.. బంగారం రేట్లు పడిపోతాయా?

పండుగ సీజన్‌లో గోల్డ్ ఫండ్స్‌లో పెట్టుబడులు పెట్టాలని భావించే ఇన్వెస్టర్లకు షాక్ ఇచ్చే వార్త. రూపాయి విలువను స్థిరీకరించే ప్రయత్నాల్లో భాగంగా.. దేశంలోని కొన్ని మ్యూచువల్ ఫండ్ సంస్థలు గోల్డ్ ఫండ్-ఆఫ్-ఫండ్స్‌లో(FOFs) కొత్త పెట్టుబడులను తాత్కాలికంగా నిలిపివేశాయి. టాటా మ్యూచువల్ ఫండ్, డీఎస్పీ మ్యూచువల్ ఫండ్ వంటి సంస్థలు అక్టోబర్ 16 నుంచి కొత్త SIP రిజిస్ట్రేషన్లు, లంప్‌సమ్ పెట్టుబడులు, స్విచ్-ఇన్ లావాదేవీలపై ఆంక్షలు విధిస్తున్నట్లు ప్రకటించాయి. అయితే గోల్డ్ ఎక్స్ఛేంజ్-ట్రేడెడ్ ఫండ్స్(ETFs) లో పెట్టుబడులు పెట్టడానికి ఎలాంటి నిబంధనలు ప్రస్తుతానికి లేవు.

మ్యూచువల్ ఫండ్ సంస్థలు ఈ నిర్ణయం తీసుకోవడానికి ప్రధాన కారణం దేశ కరెన్సీ రూపాయి విలువ బలపడటమే. అంతర్జాతీయ మార్కెట్లో అమెరికన్ డాలర్‌తో పోలిస్తే రూపాయి తీవ్ర ఒత్తిడిని ఎదుర్కొంటోంది. ఈ ఏడాది సెప్టెంబర్ నాటికి గోల్డ్ ఈటీఎఫ్‌లలోకి భారీగా ఇన్వెస్ట్మెంట్లు వచ్చాయి. సెప్టెంబర్ 2025 నాటికి రూ.90వేల 136 కోట్లుగా ఉన్న గోల్డ్ ఈటీఎఫ్‌ల నిర్వహణలోని ఆస్తులు.. సెప్టెంబర్ 2026 నాటికి రూ. లక్షా 86 వేల కోట్లకు పైగా పెరిగాయి. ఈ విపరీతమైన పెట్టుబడుల ప్రవాహం పరోక్షంగా బంగారం దిగుమతులను పెంచుతోంది.