Loading…
Hyderabad | హైదరాబాద్‌లోని పీవీ నరసింహారావు ఎక్స్‌ప్రెస్‌వేపై రోడ్డు ప్రమాదం చోటుచేసుకుంది. పిల్లర్‌ నంబర్‌ 131 సమీపంలో ఆరంఘర్‌ వైపు వెళ్లే మార్గంలో ఓ కారు అదుపుతప్పి డివైడర్‌ను ఢీకొట్టింది. దీంతో వెనుక నుంచి వస్తున్న మరో ఐదు కార్లు వరుసగా ఢీకొన్నాయి. ఈ ఘటనతో ఎక్స్‌ప్రెస్‌వేపై కొద్దిసేపు ట్రాఫిక్‌కు అంతరాయం ఏర్పడింది.
పోలీసుల కథనం ప్రకారం.. ఎక్స్‌ప్రెస్‌వేపై వెళ్తున్న ఓ కారు అకస్మాత్తుగా అదుపు తప్పి డివైడర్‌పైకి దూసుకెళ్లింది. అనంతరం అక్కడున్న విద్యుత్‌ స్తంభాన్ని ఢీకొని నిలిచిపోయింది. వెనుక నుంచి వేగంగా వస్తున్న వాహనదారులు ముందున్న కారును గమనించి బ్రేకులు వేసేలోపే ఒకదాని వెనుక ఒకటి ఐదు కార్లు ఢీకొన్నాయి. దీంతో మొత్తం ఆరు కార్లు ప్రమాదానికి గురయ్యాయి. ఢీకొన్న ధాటికి వాహనాల ముందు, వెనుక భాగాలు దెబ్బతిన్నాయి.