ఇంట్లో చిన్న పిల్లలు ఉన్నారా..? ఈ లక్షణాల్లో ఒక్కటి కనిపించినా.. డేంజర్లో ఉన్నట్టే..!

మన దేశంలో పిల్లలు పేగు సంబంధిత అనారోగ్యం బారిన పడుతుండటం ఆందోళన కలిగిస్తుంది. ఆహారపు అలవాట్లు క్రమబద్ధంగా లేకపోవడం, మొబైల్స్, టీవీలు.. ఇలా గంటల కొద్దీ పిల్లలు స్క్రీన్ చూస్తూ గడిపేయడం, బయటకు వెళ్లి ఆడుకునేందుకు ఆసక్తి చూపించకపోవడం.. ఇలా పలు కారణాలు పిల్లల పేగు ఆరోగ్యంపై ప్రభావం చూపుతున్నాయని పీడియాట్రిక్ గ్యాస్ట్రోఎంటరాలజిస్టులు చెబుతున్నారు. జీర్ణాశయం విధి ఆహారాన్ని జీర్ణం చేయడం మాత్రమే అని చాలా మంది అనుకుంటారు.

కానీ.. జీర్ణాశయం ఈ ప్రథమ కర్తవ్యంతో పాటు ఇంకా చాలానే చేస్తుంది. జీర్ణవ్యవస్థలో ఉండే సూక్ష్మజీవులు ఆహారాన్ని అరిగేలా చేయడానికి, పోషకాలను గ్రహించడానికి, హానికరమైన జీవులను దూరంగా ఉంచడానికి సహాయపడతాయి. శరీరం పెరుగుతూ, పిల్లలు ఎదుగుతున్న క్రమంలో.. ఈ సూక్ష్మజీవుల ఆరోగ్యకరమైన సమతుల్యతను కాపాడుకోవడం ఎంతో ముఖ్యమని డాక్టర్లు వివరించారు.