Loading…
ప్రేమ కోసం మనుషులు ఎంత దూరమైనా వెళ్తారని అంటుంటారు. కానీ బ్రెజిల్‌కు చెందిన ఓ వ్యక్తి విషయంలో మాత్రం ఇది ఊహించని మలుపు తిరిగింది. తనకు కాబోయే భార్య దొరికిందని ఎంతో సంతోషపడ్డ అతను.. ఆమెను కలవడం కోసం తన దగ్గర ఉన్న ఉన్నవన్నీ అమ్మేసి, దాదాపు 1,900 కిలోమీటర్లు ప్రయాణించాడు. తీరా అక్కడికి వెళ్లాక అసలు విషయం తెలిసి షాకయ్యాడు. తాను పెళ్లి చేసుకోవాలనుకున్న మహిళ నిజమైన మనిషి కాదని.. కృత్రిమ మేధ (AI) సృష్టించిన ఓ కల్పిత పాత్ర అని తెలుసుకుని అవాక్కయ్యాడు.
బ్రెజిల్‌లో జరిగిన ఈ ఘటన ఇప్పుడు చర్చనీయాంశంగా మారింది. సోషల్ మీడియాలో కనిపించే వ్యక్తులను పూర్తిగా నమ్మితే ఎలాంటి పరిస్థితులు ఎదురవుతాయో చెప్పడానికి ఇదొక ఉదాహరణగా నిలుస్తోంది.