KBR పార్క్ చుట్టూ ఎలివేటెడ్ కారిడార్ పనులు వేగవంతం... GHMC కమిషనర్ ఆర్ వీ కర్ణన్ కీలక ఆదేశాలు..

హైదరాబాద్ లో KBR పార్క్ చుట్టూ మొదలుపెట్టిన ఫ్లైఓవర్లు అండర్ పాస్ ల స్థానంలో ఎలివేటెడ్ కారిడార్ నిర్మించాలని ప్రభుత్వం నిర్ణయించిన సంగతి తెలిసిందే. ఇందుకు సంబంధించి పనులు వేగంగా జరుగుతున్నాయి. గురువారం ( అక్టోబర్ 15 ) కేబీఆర్ పార్క్ చుట్టూ ఎలివేటెడ్ కారిడార్ పనులు పరిశీలించారు GHMC కమిషనర్ ఆర్వీ కర్ణన్. ఖైరతాబాద్ జోనల్ కమిషనర్ సంతోష్‌ తో కలిసి క్షేత్రస్థాయిలో పనులను పరిశీలించారు కర్ణన్. ఈ క్రమంలో అధికారులకు కీలక ఆదేశాలు జారీ చేశారు. కేబీఆర్ మెయిన్ ఎంట్రన్స్ జంక్షన్, అగ్రసేన్ జంక్షన్, జూబ్లీహిల్స్ చెక్ పోస్ట్ జంక్షన్ దగ్గర పనులు వేగవంతం చేయాలని ఆదేశించారు.

సిగ్నల్ ఫ్రీ ట్రాఫిక్ కోసం 6-లేన్ బై డైరెక్షనల్ స్టీల్ ఫ్లైఓవర్ నిర్మాణానికి ప్రణాళిక రూపొందించాలని.. కేబీఆర్ పార్క్ చుట్టూ వన్‌వే ట్రాఫిక్ సాఫీగా సాగేలా చర్యలు చేపట్టాలని అన్నారు. ముగ్ధ జంక్షన్‌–ఎన్‌ఎఫ్‌సీఎల్ జంక్షన్‌ మధ్య ఫౌండేషన్ డిజైన్ కోసం జియోటెక్నికల్ పరిశోధనలు వెంటనే ప్రారంభించాలని ఆదేశించారు.