Loading…
బీఆర్‌ఎస్‌ అధినేత, తెలంగాణ తొలి ముఖ్యమంత్రి కేసీఆర్‌ ప్రతిష్ఠను దెబ్బతీసేలా ‘వెలుగు’ దినపత్రిక తప్పుడు కథనాన్ని ప్రచురించిందని జర్మనీలోని హంబర్గ్‌ ఎన్‌ఆర్‌ఐ బీఆర్‌ఎస్‌ విభాగం తీవ్రంగా ఖండించింది. తెలంగాణ సాగునీటి ప్రాజెక్టులపై ప్రజల్లో అపోహలు సృష్టించే ప్రయత్నాలను సహించబోమని స్పష్టం చేసింది. అక్టోబర్‌ 17న మొదటి పేజీలో ప్రచురించిన ‘కేసీఆర్‌ ఫామ్‌హౌస్‌కు మళ్లిన కొండపోచమ్మ’ కథనాన్ని వెంటనే ఉపసంహరించుకొని, 24 గంటల్లోగా బేషరతుగా క్షమాపణ చెప్పాలని డిమాండ్‌ చేసింది.
ఈ మేరకు బీఆర్‌ఎస్‌ జనరల్‌ సెక్రటరీ, లీగల్‌ సెల్‌ ఇన్‌ఛార్జ్‌ సోమ భరత్‌ కుమార్‌ జారీ చేసిన నోటీసులకు హంబర్గ్‌ బీఆర్‌ఎస్‌ విభాగం పూర్తి మద్దతు ప్రకటించింది. సాగునీటి ప్రాజెక్టులపై అధికారిక ఆధారాలు లేకుండా, రాజకీయ దురుద్దేశంతో కథనాన్ని ప్రచురించారని ఆరోపించింది.