Kolkata Stampede | కోల్‌క‌తా తొక్కిస‌లాట‌.. మృతుల కుటుంబాలకు రూ.25 ల‌క్ష‌ల ఆర్థిక‌సాయం, ప్ర‌భుత్వ ఉద్యోగం..!

Kolkata Stampede : పశ్చిమబెంగాల్‌ (West Bengal) రాజధాని కోల్‌కతా (Kolkata) లోని చోర్‌బగాన్‌ సర్బజనీన్‌ (Chorbagan Sarbojanin) దుర్గా మండపం (Durga Pandal) వద్ద గ‌త రాత్రి జ‌రిగిన తొక్కిసలాట (Stampede) ఘ‌ట‌న‌ తీవ్ర విషాదాన్ని మిగిల్చింది. ఈ ఘటనలో మొత్తం 19 మంది మృతిచెందారు. వారిలో 13 మంది మహిళలు, ఒక చిన్నారి ఉన్నారు. మరో 35 మంది గాయపడ్డారు. గాయ‌ప‌డిన వారంతా ప్ర‌స్తుతం వేర్వేరు ఆస్ప‌త్రుల్లో చికిత్స పొందుతున్నారు.

ఈ ఘ‌ట‌న‌పై ప‌శ్చిమ‌బెంగాల్ ప‌ట్ట‌ణాభివృద్ధి శాఖ మంత్రి ఉమేష్ రాయ్ స్పందించారు. చోర్‌బగాన్‌ సర్బజనీన్‌ దుర్గా మండపానికి భ‌క్తులు భారీ సంఖ్య‌లో త‌ర‌లిరావ‌డం సాధార‌మేన‌ని చెప్పారు. ఎప్ప‌టిలాగే శ‌నివారం కూడా దుర్గామాత ద‌ర్శ‌నానికి భ‌క్తులు పెద్ద సంఖ్య‌లో త‌ర‌లివ‌చ్చార‌ని, అయితే అదే స‌మ‌యంలో వ‌ర్షం కూడా ప‌డ‌టం తొక్కిస‌లాట‌కు దారితీసింద‌ని చెప్పారు.