మమతాపై దాడి జరగలే.. అంతా ఉత్తదే: కోల్‎కతా పోలీసులు

కోల్‎కతా: బెంగాల్ మాజీ సీఎం మమతా బెనర్జీపై ఓ మహిళా కత్తితో దాడికి యత్నించిందన్న ఆరోపణలను కోల్‎కతా పోలీసులు తోసిపుచ్చారు. మమతా బెనర్జీపై ఎలాంటి దాడి జరగలేదని.. ఆమెపై దాడి జరిగిందన్న వార్తల్లో ఎలాంటి నిజం లేదని స్పష్టం చేశారు. ఈ ఘటనపై కోల్‌కతా పోలీస్ కమిషనర్ అజయ్ కుమార్ నంద్ బుధవారం (అక్టోబర్ 14) మీడియాతో మాట్లాడారు.

దుర్గా పూజను ప్రారంభించడానికి వెళ్తున్న మమతా బెనర్జీపై ఆమె నివాసం వెలుపల ఒక మహిళ దాడి చేసిందన్న ఆరోపణలను ఆయన తోసిపుచ్చారు. ఆ ఫిర్యాదులో ఎలాంటి ఆధారం గానీ, నిజం గానీ లేదని తెలిపారు. దాడికి యత్నించినట్లు ఆరోపణలు ఎదుర్కొంటున్న మహిళా దీదీని కలవడానికి వెళ్లారని పేర్కొన్నారు. టీఎంసీ కార్యకర్తలు దానిని తప్పుగా అర్థం చేసుకున్నారని క్లారిటీ ఇచ్చారు. సదరు మహిళ, ఆమె తండ్రి మమతా బెనర్జీకి ముందే పరిచయమని చెప్పారు.