‘మెడికవర్‌’ ముఖ్యమంత్రి కుటుంబీకులదే!

హైదరాబాద్‌, అక్టోబర్‌ 16 (నమస్తేతెలంగాణ): ‘మెడికవర్‌ దవాఖాన ముమ్మాటికీ మీ కుటుంబసభ్యులదే. ఒకటి కాదు, మూడు ఆధారాలు చూపుతా. చర్చకు సిద్ధమా రేవంత్‌రెడ్డీ?’ అని కార్పొరేషన్‌ మాజీ చైర్మన్‌, బీఆర్‌ఎస్‌ నేత మన్నె క్రిశాంక్‌ సవాల్‌ విసిరారు. ఈ మేరకు క్రిశాంక్‌ శుక్రవారం మీడియాకు ఓ వీడియోను విడుదల చేశారు. సీఎం రేవంత్‌రెడ్డి సన్నిహితులకు చెందిన కంపెనీల షేర్ల వివరాలు వెల్లడించారు.

రేవంత్‌రెడ్డి అక్క అల్లుడి సోదరుడు అన్నం శరత్‌రెడ్డికి మెడికవర్‌ దవాఖానలో 5,08,808 షేర్లు, గొగులూరి సత్యనారాయణరెడ్డికి (రేవంత్‌రెడ్డి అల్లుడు) చెందిన మ్యాక్స్‌ బియాన్‌ ఫార్మాలో 1,08,000 షేర్లు ఉన్నాయని చెప్పారు.