నాగలోకం, వానర లోకం నేపథ్యంతో 'కరికాల'.. ముగ్గురు భామలతో సందీప్ కిషన్ మూవీ గ్రాండ్ లాంచ్!

యంగ్ హీరో సందీప్ కిషన్ కెరీర్‌లోనే అత్యంత భారీ, ప్రతిష్టాత్మక ప్రాజెక్ట్‌గా రూపుదిద్దుకుంటున్న పీరియాడిక్ 'కరికాల' గ్రాండ్ లాంచ్ అయింది. షైనింగ్ పిక్చర్స్ బ్యానర్‌పై మహిధర్ రెడ్డి, రాజశేఖర్ అన్నభీమోజు సంయుక్తంగా నిర్మిస్తున్న ఈ భారీ చిత్రాన్ని దర్శకుడు యుగంధర్ ముని రెండు భాగాలుగా ఎంతో వైభవంగా తెరకెక్కిస్తున్నారు. గురువారం ( అక్టోబర్ 15, 2026 ) ఈ చిత్రానికి సంబంధించిన ముహూర్తపు పూజా కార్యక్రమాలు అత్యంత వైభవంగా జరిగాయి.

ఈ ఈవెంట్‌లో ముగ్గురు భామలు కేథరిన్ థ్రెసా, గాయత్రి భరద్వాజ్, సాక్షి మడోల్కర్ తమ గ్లామర్‌తో ప్రత్యేక ఆకర్షణగా నిలిచారు. ముహూర్తపు సన్నివేశానికి నిర్మాత రాజశేఖర్ తల్లి సత్యవతి గారు కెమెరా స్విచ్ ఆన్ చేయగా, మహిధర్ తల్లి పద్మారెడ్డి గారు క్లాప్ కొట్టారు. హీరో ఆది సాయి కుమార్ గౌరవ దర్శకత్వం వహించగా, నిర్మాత వీరభద్రాచారి గారు స్క్రిప్ట్‌ను అందజేశారు.