నవరాత్రి ఉత్సవాల్లో వింత ఘటన.. మహిళ శరీరంపై మొలిచిన బార్లీ విత్తనాలు.. చూసేందుకు ఎగబడిన భక్తులు!

నవరాత్రి ఉత్సవాల్లో వింత ఘటన ఒకటి చోటుచేసుకుంది. మహిళ శరీరంపై బార్లీ విత్తనాలు (జవారే) మొలకెత్తడం స్థానికంగా సంభ్రమాశ్చర్యానికి గురిచేసింది. అమ్మ వారి కటాక్షంతోనే మొలకలు మొలిచాయని.. దీక్ష వెనుక ఉన్న రహస్యాన్ని చెప్పడంతో.. ఆ మహిళను చూసేందుకు వేల సంఖ్యలో భక్తులు బారులు తీరారు. ఈ న్యూస్ ఇప్పుడు సోషల్ మీడియాలో వైరలవుతోంది.

ఉత్తరప్రదేశ్‌లోని ఝాన్సీ జిల్లా మౌరానీపూర్ ప్రాంతంలోని బుఖారా గ్రామంలో జరిగింది ఈ ఘటన. గౌరైయా మాతా మందిరంలో శరీరంపై మొలకలు పెంచుకుని దీక్ష తీసుకుంది జానకీ దేవి అనే మహిళ. ఆనోట ఈ నోట ఈ విషయం ప్రచారం కావడంతో సదరు మహిళ దీక్ష చూసేందకు భక్తులు ఉవ్వెత్తున తరలివస్తున్నారు.