నీళ్లు, కరెంట్‌‌ పొదుపుపై   ఊరూరా దండోరా!ఎల్‌‌నినోను ఎదుర్కొనేందుకు  సర్కారు ముందస్తు ప్లాన్

హైదరాబాద్, వెలుగు: ముంచుకొస్తున్న ఎల్‌‌నినో ప్రభావాన్ని అధిగమించేందుకు రాష్ట్ర ప్రభుత్వం ఆపరేషనల్ యాక్షన్ ప్లాన్ సిద్ధం చేసింది. ఎదురయ్యే తీవ్ర నీటి కొరత, విద్యుత్ డిమాండ్‌‌ను సమర్థంగా ఎదుర్కొనేందుకు గ్రామీణ ప్రాంతాల్లో ‘పొదుపు దండోరా’ కార్యక్రమానికి శ్రీకారం చుట్టాలని నిర్ణయించింది. నీటిపారుదల, పంచాయతీ రాజ్, గ్రామీణాభివృద్ధి, విద్యుత్​ శాఖల అధికారులు సమర్పించిన నివేదికల ఆధారంగా నవంబర్ 1వ తేదీ నుంచే ఈ సమగ్ర కార్యాచరణను ప్రభుత్వం అమల్లోకి తేనున్నది. ప్రస్తుత విద్యుదుత్పత్తి, డిమాండ్‌‌తో పాటు జలాశయాల్లో నీటి నిల్వల లెక్కలను పరిశీలించిన సర్కార్​.. ఈ మేరకు స్పష్టమైన కార్యాచరణతో ముందుకు…

ప్రాజెక్టుల నుంచి సాగునీటి కాలువల తూములను కట్టడి చేసి, కేవలం మనుషులు, పశువుల తాగునీటికే రిజర్వాయర్ల నీటిని వినియోగించాలని తీర్మానించారు. విద్యుత్​ విషయంలోనూ అదే తీరుగా కట్టడిగా ముందుకు వెళ్లాలని.. విధుల్లో ఏమాత్రం బాధ్యతారాహిత్యంగా వ్యవహరించినా కఠిన చర్యలు తప్పవని సెక్రటేరియెట్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌లో నిర్వహించిన సమీక్షలో సీఎంవో తీవ్ర హెచ్చరికలు జారీ చేసింది.