ఒక తెల్లవాడు మన దేశానికి ఆర్డర్లు వేయలేడు.. ఎలాన్ మస్క్‌పై అసదుద్దీన్ ఒవైసీ ఫైర్

న్యూఢిల్లీ: టెస్లా అధినేత, బిలియనీర్ ఎలన్ మస్క్‏పై ఎంఐఎం చీఫ్, ఎంపీ అసదుద్దీన్ ఓవైసీ ఫైర్ అయ్యారు. భారత్‌లో స్టార్‌లింక్ శాటిలైట్ సేవల అనుమతుల జాప్యంపై మోడీ సర్కార్‎ను ఎలన్ మస్క్ లక్ష్యంగా చేసుకోవడాన్ని ఓవైసీ తీవ్రంగా తప్పబట్టారు. దేశ అంతర్గత విషయాల్లో విదేశీయుల జోక్యాన్ని సహించబోమని హెచ్చరించారు. ఒక తెల్లవాడు మన దేశానికి ఆర్డర్లు వేయలేడని.. దేశ వనరులను ఎలా ఉపయోగించుకోవాలో నిర్ణయించే హక్కు భారతదేశానికే ఉందని స్పష్టం చేశారు.

మేము రాజకీయంగా ఎప్పుడూ ప్రధాని మోడీని వ్యతిరేకిస్తాం.. భవిష్యత్‎లోనూ వ్యతిరేకిస్తూనే ఉంటాం. కానీ ఒక తెల్ల జాతీయుడు భారతదేశానికి నిజమైన ప్రధాని అంబానీనా అని ఎలా మాట్లాడుతాడని ప్రశ్నించారు. మన దేశ నిర్ణయాధికారాల గురించి ఒక విదేశీయుడు ఇలా ఎలా మాట్లాడుతాడని నిలదీశారు.