Loading…
కోలీవుడ్ స్టార్ హీరో ధనుష్ నటిస్తున్న 55వ చిత్రం 'ఓం' నుంచి కీలక అప్డేట్ వచ్చేసింది. ఇప్పటికే విడుదలైన తొలి పాట మంచి స్పందన తెచ్చుకోగా.. లేటెస్ట్ గా రెండో సింగిల్ ' వీర వీర' ప్రేక్షకుల ముందుకు వచ్చింది. దీంతో ఈ సినిమాపై అభిమానుల్లో ఆసక్తి మరింత పెరుగుతోంది. ఇప్పుడు మ్యూజిక్ లవర్స్ దృష్టిని తెగ ఆకర్షిస్తోంది. అసలు ఈ పాట సినిమాలో ఎలాంటి సందర్భంలో వస్తుంది? ధనుష్ పాత్ర ఎలా ఉండబోతోంది? అనే ప్రశ్నలు ఇప్పుడు అభిమానుల్లో ఆసక్తిని రేకెత్తిస్తున్నాయి.
ధనుష్ కెరీర్‌లో 55వ చిత్రంగా తెరకెక్కుతున్న 'ఓం'కు రాజ్‌కుమార్ పెరియసామి దర్శకత్వం వహిస్తున్నారు. ధనుష్‌కు చెందిన వండర్‌బార్ ఫిల్మ్స్, ఆర్టెక్ స్టూడియోస్ సంయుక్తంగా ఈ చిత్రాన్ని నిర్మిస్తున్నాయి. యువ సంగీత దర్శకుడు సాయి అభ్యంకర్ ఈ సినిమాకు సంగీతం అందిస్తున్నారు. ఇప్పటికే విడుదలైన 'అలక్కా లోవా' తొలి పాట శ్రోతలను ఆకట్టుకుంది. ఆ తర్వాత మమ్ముట్టి గ్లింప్స్ వీడియో కూడా ప్రేక్షకుల్లో ఆసక్తిని పెంచింది.