Loading…
వికారాబాద్‌, అక్టోబర్‌ 16 (నమస్తే తెలంగాణ): బీఆర్‌ఎస్‌ పాలనా కాలంలో వలసలు వీడి సొంతూర్లకు చేరుకున్న తండాల వా సులు.. మూడేండ్ల కాంగ్రెస్‌ పాలనలో మళ్లీ ఊళ్లు వదిలిపోతున్నారు. గతంలో జిల్లాలోని పరిగి, కొడంగల్‌ నియోజకవర్గాల ప్రజలు ఉపాధి కోసం దుబాయ్‌, ముంబై, పుణె, హైదరాబాద్‌కు వెళ్లేవారు. వలస వెళ్లిన ప్రజలు బీఆర్‌ఎస్‌ అమలుచేసిన రైతు సంక్షేమ పథకాలు, అభివృద్ధి, ఉపాధి కల్పనతో తిరిగి సొంతూళ్లకు చేరుకున్నారు.
కానీ కాంగ్రెస్‌ అధికారంలోకి వచ్చిన ఏడాదికే మళ్లీ వలసలు మొదలయ్యా యి. ఎన్నికల ముందు ఇచ్చిన ఏ హామీనీ కాంగ్రెస్‌ అమలు చేయలేదు. సాగునీరు లేక, కరెంటు కోతలతో వ్యవసాయం చేయడం దుర్భరంగా మారింది. లాగోడికి చేసిన అప్పు లు కూడా తీర్చలేని పరిస్థితుల్లో ఇంటిల్లిపాది వలసబాట పట్టారు. చాలామంది ముంబై, పుణె, హైదరాబాద్‌కు ముల్లెమూటా సర్దుకొని బయలుదేరుతున్నారు. పాలమూరు-రంగారెడ్డి ఎత్తిపోతల పథకం పూర్తిచేసి సాగునీరు తీసుకువచ్చి వలసలను శాశ్వతంగా దూరం చేయడమే లక్ష్యంగా కేసీఆర్‌ ప్రభుత్వం పక్కా ప్రణాళికతో ముందుకు వెళ్లింది.