Loading…
పెళ్లయిన 45 రోజులకే భర్తను హత్య చేసేందుకు భార్య ప్రియుడితో కలిసి పథకం రచించిన ఘటన వనపర్తి జిల్లా కేంద్రంలోని బ్రహ్మంగారి వీధిలో వెలుగుచూసింది. భర్త షబ్బీర్‌ను హత్య చేసేందుకు ప్రయత్నించినట్లు భార్య షాహిదా బేగం, ఆమె ప్రియుడు షాకీర్‌, అతడి స్నేహితుడు మహేశ్వర్‌ లాల్‌ను పోలీసులు అరెస్ట్‌ చేశారు.
వివరాల్లోకి వెళ్తే.. నాగర్‌కర్నూల్‌ జిల్లాకు చెందిన షాహిదా బేగంతో షబ్బీర్‌కు 45 రోజుల క్రితం వివాహమైంది. అయితే, పెళ్లికి ముందే హైదరాబాద్‌కు చెందిన తన సమీప బంధువు షాకీర్‌తో షాహిదా ప్రేమలో ఉంది. వివాహం తర్వాత కూడా అతడిని మర్చిపోలేకపోయిన ఆమె.. ప్రియుడితో కలిసి భర్తను హత్య చేసేందుకు పథకం వేసింది.