రాయలసీమ రిజర్వాయర్ లో ఐదుగురు బాలికల శవాలు..

ఏపీలోని సత్యసాయి జిల్లాలో తీవ్ర విషాదం చైతు చేసుకుంది.. పెనుగొండ-గొల్లపల్లి రిజర్వాయర్ లో దిగి ఐదుగురు బాలికలు మృతి చెందారు. శుక్రవారం ( అక్టోబర్ 16 ) జరిగిన ఈ ఘటనకు సంబంధించి వివరాలిలా ఉన్నాయి. దర్గాపేటకు చెందిన ముస్లిం కుటుంబం విహారయాత్రకు వెళ్ళింది. వీరిలో ఐదుగురు బాలికలు రిజర్వాయర్ లో దిగి ప్రమాదవశాత్తు మునిగిపోయారు.

సరదాగా కబుర్లు చెప్పుకుంటూ రిజర్వాయర్ కి వెళ్లిన బాలికలు తిరిగి రాని లోకాలకు వెళ్లిపోయారు. నీటి లోతు తెలియక లోపలికి వెళ్లడంతో బురదలో చిక్కుకుని బయటకు రాలేక ఒక్కొక్కరుగా నీటిలో మునిగిపోతుంటే కాపాడేందుకు ఎవరూ లేకపోవడం అత్యంత బాధాకరం. విషయం తెలుసుకున్న కుటుంబ సభ్యులు రిజర్వాయర్ దగ్గరికి పరుగులు తీయగా అప్పటికే ఘోరం జరిగిపోయింది.