రైల్వే శాఖకు సుప్రీం కోర్టు కీలక ఆదేశాలు.. అక్టోబర్ 27 నుంచి..

భారతీయ రైల్వే శాఖకు సుప్రీం కోర్టు కీలక ఆదేశాలు జారీ చేసింది. అక్టోబర్ 27, 2026 నుంచి IRCTC నుంచి గానీ లేదా రైల్వే కౌంటర్ల దగ్గర ఆఫ్‌లైన్‌లో గానీ విక్రయించే అన్ని రైలు టిక్కెట్లపై ప్రయాణికులకు తప్పనిసరిగా ప్రయాణ బీమా కవరేజీని అందించాలని రైల్వే శాఖకు సుప్రీం కోర్టు స్పష్టం చేసింది.

‘‘రెండు వారాలలోగా, అంటే.. 2026 అక్టోబర్ 27 నుంచి, అన్ని రైల్వే స్టేషన్లలో కౌంటర్‌లో విక్రయించే అన్ని టిక్కెట్లకు కూడా ఆన్‌లైన్‌లో కొనుగోలు చేసిన టిక్కెట్ల మాదిరిగానే బీమా వర్తింపజేయాలని ఆదేశిస్తున్నాము. పై ఆదేశాన్ని తప్పనిసరిగా అమలు చేయాలి, అలా చేయడంలో విఫలమైతే, బాధ్యత నేరుగా రైల్వే బోర్డుపై ఉంటుంది.” అని సుప్రీం కోర్టు తేల్చి చెప్పింది.