Loading…
టాలీవుడ్‌లోకి మరో కొత్త హీరో అడుగుపెడుతున్నారు. అమెరికా నుంచి తెలుగు చిత్ర పరిశ్రమలో తన అదృష్టాన్ని పరీక్షించుకునేందుకు వస్తున్న కార్తీక్ జయంతి.. 'రాయవలస' సినిమాతో ప్రేక్షకుల ముందుకు రాబోతున్నారు. రేసన్ ప్రొడక్షన్స్ బ్యానర్‌పై గోపీ కృష్ణ జె నిర్మిస్తున్న ఈ చిత్రానికి ఎన్నారై దర్శకురాలు రాధిక జయంతి దర్శకత్వం వహిస్తున్నారు. ఇప్పటికే పోస్టర్లు, గ్లింప్స్, టీజర్‌తో ఆసక్తి పెంచిన ఈ సినిమా.. లేటెస్ట్ గా విడుదలైన 'రింగుడు రింగుడు' పాటతో మరింతగా ప్రేక్షకుల దృష్టిని ఆకర్షిస్తోంది.
గ్రామీణ జీవితం, వాస్తవ సంఘటనల స్ఫూర్తితో 'రాయవలస'ను రూపొందిస్తున్నారు. ఈ చిత్రంలో కార్తీక్ జయంతి సరసన శ్రీషా నులు కథానాయికగా నటిస్తున్నారు. ఆమె పోషిస్తున్న 'రాణి' పాత్ర సహజత్వం, హుందాతనంతో ప్రేక్షకులను ఆకట్టుకోనుందని చిత్ర బృందం భావిస్తోంది. కథలోని భావోద్వేగాలు, గ్రామీణ నేపథ్యం వెండితెరపై ఎలా ఆవిష్కృతమవుతాయన్న ఆసక్తి నెలకొంది.