రేపటి నుంచి ఆంధ్ర–కర్ణాటక రంజీ సమరం - Visalaandhra

విశాలాంధ్ర – విజయవాడ స్పోర్ట్స్ : ఆంధ్రప్రదేశ్, కర్ణాటక జట్ల మధ్య రేపటి నుంచి జరగనున్న రంజీ ట్రోఫీ మ్యాచ్‌కు అన్ని ఏర్పాట్లు పూర్తయ్యాయి. ఉదయం 9:30 గంటలకు మ్యాచ్ ప్రారంభం కానుండగా, ప్రతిరోజూ 90 ఓవర్ల ఆట నిర్వహించనున్నారు. ఈ ప్రతిష్ఠాత్మక పోరులో ఇరు జట్లు విజయమే లక్ష్యంగా బరిలోకి దిగనున్నాయి. మ్యాచ్‌కు ముందు ఇరు జట్ల ఆటగాళ్లు ప్రాక్టీస్ సెషన్లలో కఠోరంగా శ్రమించారు. బ్యాటింగ్, బౌలింగ్, ఫీల్డింగ్ విభాగాల్లో సాధన చేస్తూ మ్యాచ్‌కు సన్నద్ధమయ్యారు.

కేఎల్ రాహుల్ రాకతో ప్రత్యేక ఆకర్షణభారత స్టార్ క్రికెటర్ కేఎల్ రాహుల్ ఈ మ్యాచ్‌కు ప్రత్యేక ఆకర్షణగా నిలవనున్నారు. కర్ణాటక జట్టులో కరుణ్ నాయర్, మయాంక్ అగర్వాల్ వంటి ప్రతిభావంతులైన బ్యాటర్లు ఉండటంతో ఆ జట్టు బ్యాటింగ్ లైనప్ పటిష్టంగా కనిపిస్తోంది.