Road accident | ఘోరం.. అదుపుత‌ప్పి లోయ‌లోప‌డ్డ బ‌స్సు.. 8 మంది దుర్మ‌రణం..!

Road accident : ఘోర రోడ్డు ప్ర‌మాదం (Road accident) జ‌రిగింది. ప్రయాణికుల‌తో వెళ్తున్న ఒక బ‌స్సు అదుపుత‌ప్పి రోడ్డు ప‌క్క‌న‌ లోయ‌లో ప‌డ‌టంతో ఎనిమిది మంది దుర్మ‌ర‌ణం పాల‌య్యారు. మ‌రో 17 మందికి గాయాల‌య్యాయి. రాజస్థాన్ (Rajasthan) లోని కోటా (Kota) సమీపంలో శనివారం తెల్లవారుజామున ఢిల్లీ-ముంబయి ఎక్స్‌ప్రెస్ వే (Delhi-Mumbai Express Way) పై ఈ ప్రమాదం చోటుచేసుకుంది.

పోలీసులు వెల్ల‌డించిన‌ సమాచారం ప్రకారం.. ప్ర‌మాదం జ‌రిగిన స‌మ‌యంలో బస్సులో 27 మంది ప్రయాణిస్తున్నారు. మధ్యప్రదేశ్‌లోని భోపాల్‌ నుంచి రాజస్థాన్‌లోని ఖాటూ శ్యామ్‌ ఆలయానికి వెళ్తుండగా ఈ ప్రమాదం జరిగింది. డ్రైవర్‌ నిద్ర మత్తువల్లే బస్సు అదుపు తప్పిందని పోలీసుల ప్రాథ‌మిక విచార‌ణ‌లో వెల్ల‌డైంది. రోడ్డు ప‌క్క‌న ఉన్న రక్షణ కంచెను ఢీకొట్టి మ‌రీ బ‌స్సు లోయలో పడిపోయిందని పోలీసులు తెలిపారు.