టీ పౌడర్లో పురుగు మందుల అవశేషాలు.. ఈ మోతాదుకు మించితే అంతే సంగతులు!

నిద్ర లేచినప్పటి నుంచి పడుకునే వరకు ఏదో ఒక సమయంలో టీ సిప్ చేయకుండా ఉండలేము కదా. కనీసం రోజుకు నాలుగు కప్పుల చాయ్ పడకుంటే చాలా మందికి పొద్దు గడవదు. కొందరైతే నీళ్లు తాగినట్లు పొద్దంతా ఏదో ఒక వంకతో తాగుతూనే ఉంటారు. అలాంటి వారికి ఇది షాకింగ్ న్యూస్ . టీ పౌడర్ లో పురుగు మందుల అవశేషాలపై ఫుడ్ సేఫ్టీ అథారిటీ ఆఫ్ ఇండియా (FSSAI) కీలక ప్రకటన చేసింది.

తేయాకు తోటల్లో పురుగులు, కీటకాలు, చెదల నివారణ కోసం క్రిమిసంహార మందులను కొడుతుంటారు. దీని కోసం అసిటమైప్రిడ్, ఇమిడాక్లోప్రిడ్ వంటి పురుగుమందులను పిచికారీ చేస్తుంటారు. అయితే టీపౌడర్ గా చేసే క్రమంలో తేయాకును శుద్ధి చేసినప్పటికీ కొన్ని విషపూరిత అవశేషాలు ఉండిపోతాయి. ఇవి మోతాదుకు మించితే ఆరోగ్యంపై తీవ్ర ప్రభావం చూపుతాయని తెలిపింది.