TN CM Vijay | మ్యూజిక్ డైరెక్ట‌ర్ దేవాకు త‌మిళ‌నాడు సీఎం, మాజీ సీఎం నివాళులు.. Videos

TN CM Vijay : ప్ర‌ముఖ సంగీత ద‌ర్శ‌కుడు (Music Director), గాయ‌కుడు దేవా (Deva) భౌతికకాయానికి త‌మిళ‌నాడు ముఖ్య‌మంత్రి (Tamil Nadu CM) జోసెఫ్ విజ‌య్‌ (Joseph Vijay), మాజీ సీఎం ఎంకే స్టాలిన్ (MK Stalin) వేర్వేరుగా నివాళులు అర్పించారు. త‌మిళ‌నాడు రాజ‌ధాని చెన్నై (Chennai) లోని టీ న‌గ‌ర్‌ (T Nagar) లో ఉన్న దేవా నివాసంలో ఆయ‌న‌ భౌతిక‌కాయంపై పుష్పగుచ్ఛాలు ఉంచి పుష్పాంజ‌లి ఘ‌టించారు. అనంత‌రం ఆయ‌న కుటుంబ‌స‌భ్యుల‌ను ఓదార్చారు.

ప్రముఖ సంగీత దర్శకుడు, గాయకుడు దేవా ఈ ఉద‌యం కన్నుమూశారు. కొంతకాలంగా అనారోగ్య సమస్యలతో బాధపడుతున్న ఆయన చెన్నైలోని ఓ ప్రైవేట్ ఆసుపత్రిలో చికిత్స పొందుతూ తుదిశ్వాస విడిచారు. సంగీత ప్రపంచంలో ‘తేనిసై తెండ్రల్ (మధుర సంగీత సమీరం)’ గా కోట్లాది మంది అభిమానుల హృదయాల్లో నిలిచిపోయిన దేవా సుదీర్ఘ ప్రస్థానంలో తమిళంతోపాటు తెలుగు, కన్నడ, మలయాళ భాషల్లో దాదాపు 400 లకు పైగా చిత్రాలకు అద్భుతమైన స్వరాలు సమకూర్చారు.