Loading…
Traffic Jam | దసరా, బతుకమ్మ పండగల నేపథ్యంలో జనాలు హైదరాబాద్‌ నుంచి సొంతూళ్లకు వెళ్తుండటంతో రాష్ట్రంలో పలు ప్రధాన రహదారులు రద్దీగా మారిపోయాయి. ప్రయాణికులు వెళ్తున్న వాహనాలు నిలిచిపోయి ట్రాఫిక్‌ జామ్‌ అవుతోంది. సొంతూళ్లకు వెళ్లే ప్రయాణికులతో వెళ్తున్న వాహనాలు యాదాద్రి భువనగిరి జిల్లా చౌటుప్పల్‌ జాతీయ రహదారి 65పై పంతంగి టోల్‌ ప్లాజా వద్ద భారీగా నిలిచిపోయాయి.
పండుగల నేపథ్యంలో రద్దీ మరింత ఎక్కువగా పెరుగకముందే ట్రాఫిక్‌ పోలీసులు ప్రత్యామ్నాయ మార్గాల వెంబడి వాహనాలు పంపిస్తూ ట్రాఫిక్‌ను క్లియర్ చేస్తున్నారు. చౌటుప్పల్‌ ఫ్లైఓవర్ల నిర్మాణంతో సర్వీసు రోడ్డుపై వాహనాలు నెమ్మదిగా ముందుకు కదులుతున్నాయి.