Unemployees | వేసిందే తక్కువ పోస్టులు.. టీజీపీఎస్సీ ఎదుట నిరుద్యోగుల ఆందోళన.. వీడియో

Unemployees | 2 లక్షల ప్రభుత్వ ఉద్యోగాలు ఇస్తాం.. జాబ్ క్యాలెండర్ ప్రకటిస్తాం.. అంటూ అధికారంలోకి వచ్చిన కాంగ్రెస్ సర్కార్‌.. ఏ ఒక్క హామీని నెరవర్చకపోవడంపై ఇప్పటికే నిరుద్యోగులు మండిపడుతూ రాష్ట్రవ్యాప్తంగా ఆందోళనలు చేస్తున్నారని తెలిసిందే. తాజాగా నిరుద్యోగులు

టీజీపీఎస్సీ కార్యాలయం ఎదుట నిరసనకు దిగారు. సివిల్ ఇంజనీరింగ్ చేసిన నిరుద్యోగులకు R&B AEE పరీక్ష, SSC JE పరీక్ష రెండూ నవంబర్ 6వ తేదీనే ఉన్నాయని, AEE పరీక్ష వాయిదా వేయాలని వారు డిమాండ్ చేశారు. తెలంగాణ ప్రభుత్వం వేసిందే తక్కువ పోస్టులు, అది కూడా వేరే పరీక్షతో క్లాష్ అవ్వడం అంటే తమకు తీరని అన్యాయం జరుగుతుందని నిరుద్యోగులు ఆందోళన వ్యక్తం చేస్తున్నారు. గత 10 రోజులుగా పరీక్ష వాయిదా వేయాలని టీజీపీఎస్సీ కార్యాలయం చుట్టూ తిరుగుతున్నా పట్టించుకోవడం లేదని, పరీక్ష తేదీలు మార్చాలని ఆందోళనకు దిగిన నిరుద్యోగులు ఆవేదన వ్యక్తం చేస్తున్నారు.