Abhijeet Dipke | అభిజీత్ దీప్కేకు కండిషనల్ బెయిల్ మంజూరు.. శాంతి ఒప్పందంపై సంతకం చేస్తేనే
Namasthe Telangana · NT News telugu · 1 min read at Namasthe Telangana
Abhijeet Dipke : సీజేపీ ఫౌండర్ అభిజీత్ దీప్కేకు ఢిల్లీకి చెందిన కోర్టు కండిషనల్ బెయిల్ మంజూరు చేసింది. అయితే, పీస్ బాండ్ మీద సంతకం చేయాలని కోర్టు ఆదేశించింది. దీప్కేను పోలీసులు శుక్రవారం అరెస్టు చేసిన సంగతి తెలిసిందే. ఢిల్లీలోని కన్నాట్ ప్లేస్, సెంట్రల్ పార్క్ వద్ద శుక్రవారం లెహ్రా దో తిరంగా పేరుతో ర్యాలీకి పిలుపునిచ్చారు. అయితే, ఈ ర్యాలీకి వెళ్లకుండా దీప్కేను పోలీసులు అడ్డుకున్నారు.
ఉద్రిక్తత తలెత్తకుండా ముందు జాగ్రత్త చర్యగా శుక్రవారం సాయంత్రం దీప్కేను పోలీసులు అరెస్టు చేశారు. ఢిల్లీ, ఝండేవాలన్ నుంచి ఆయనను అదుపులోకి తీసుకున్నారు. అలాగే, గత అక్టోబర్ 10న ఇచ్చిన బెయిల్ కండీషన్ ఉల్లంఘించినందుకుగాను అతడిని అరెస్టు చేశారు. దీప్కే అరెస్టును సవాలు చేస్తూ సీజేపీ న్యాయవాది రత్నా సింగ్ స్పెషల్ ఎగ్జిక్యూటివ్ మెజిస్ట్రేట్‌ను శనివారం ఆశ్రయించారు. దీనిపై విచారణ జరిపిన కోర్టు దీప్కేకు షరతులతో కూడిన బెయిల్ మంజూరు చేసింది. గతంలో చెప్పినట్లు శాంతికి సహకరించాలని కోర్టు సూచించింది. దీని ప్రకారం పీస్ బాండ్‌పై సంతకం చేయాలని కోర్టు ఆదేశించింది.
Excerpt. Full story at Namasthe Telangana: https://www.ntnews.com/national/abhijeet-dipke-granted-conditional-bail-by-delhi-court-after-detention-over-lehra-do-tiranga-march-2538848
framing not published · 204 outlets covered this story, below the floor for a split