AP News | ద‌క్షిణ బీహార్‌లా ఆంధ్ర‌ప్ర‌దేశ్‌.. కూట‌మి స‌ర్కారుపై వైఎస్ షర్మిల ఫైర్‌
Namasthe Telangana · NT News telugu · 1 min read at Namasthe Telangana
AP News : ఏపీలోని కూట‌మి స‌ర్కారుపై ఏపీ కాంగ్రెస్ అధ్యక్షురాలు వైఎస్ షర్మిల తీవ్రస్థాయిలో విరుచుకుపడ్డారు. టీడీపీ, వైసీపీ పార్టీలు దాష్టీక రాజకీయాలు చేస్తూ.. రతనాల సీమను రక్తసీమగా మారుస్తున్నాయని ఆరోపించారు. అన్నపూర్ణ లాంటి ఆంధ్రప్రదేశ్‌ను మరో ‘సౌత్ బీహార్’గా మార్చే పరిస్థితులు క‌నిపిస్తున్నాయ‌ని ఆవేదన వ్యక్తంచేశారు. స్థానిక సంస్థల ఎన్నికల వేళ రాష్ట్రంలో చోటుచేసుకుంటున్న హింసాత్మక ఘటనలపై సోషల్ మీడియా వేదికగా ఆమె స్పందించారు.
స్థానిక సంస్థల ఎన్నికల సందర్భంగా రాయచోటి, పుంగనూరులో జరిగిన ఘర్షణలు రాష్ట్ర ఎన్నికల చరిత్రలో ఆందోళనకర పరిణామాలని షర్మిల అన్నారు. ప్రశాంతంగా జరగాల్సిన ఎన్నికలను ఘర్షణలు, దాడులతో రణరంగంగా మారుస్తున్నారని విమర్శించారు. ‘కూటమిది నిజంగా పవిత్ర పాలనే అయితే దాడులు ఎందుకు..? బలవంతపు ఏకగ్రీవాలు ఎందుకు..? నామినేషన్లు వేయకుండా అడ్డుకోవడమెందుకు..?’ అని ఆమె ప్రభుత్వాన్ని సూటిగా ప్రశ్నించారు.
Excerpt. Full story at Namasthe Telangana: https://www.ntnews.com/andhrapradesh-news/ap-news-andhra-pradesh-is-becoming-like-south-bihar-y-s-sharmila-lashes-out-at-the-coalition-government-2538829
framing not published · 10 outlets covered this story, below the floor for a split