Chandrababu | బ్లాక్‌మెయిల్‌ రాజకీయాలు మానుకుంటే మంచిది.. వైసీపీకి చంద్రబాబు హెచ్చరిక
Namasthe Telangana · NT News telugu · 1 min read at Namasthe Telangana
అమరావతి : వైఎస్సార్‌ కాంగ్రెస్‌ పార్టీ ( YCP ) రాష్ట్రంలో బ్లాక్‌మెయిల్‌ రాజకీయాలతో ( Blackmail Politics ) బెదిరింపులకు పాల్పడుతుందని ముఖ్యమంత్రి చంద్రబాబు నాయుడు (Chandrababu) ఆరోపించారు. ఉండవల్లిలో నిర్వహించిన మీడియా సమావేశంలో సీఎం మాట్లాడారు. ఇకనైనా బ్లాక్‌మెయిల్‌ రాజకీయాలు మానుకుంటే మంచిదని హెచ్చరించారు. నేరాలు, ఘోరాలు చేసి ఏం సాధించాలనుకుంటున్నారని వైసీపీ నాయకులను ప్రశ్నించారు.
స్థానిక సంస్థల ఎన్నికల్లో గూండాయిజానికి పాల్పడుతున్నది వైసీపీయేనని ఆరోపించారు. వేరే రాష్ట్రాల నుంచి నేరస్థులను తీసుకొచ్చి కూటమి నాయకులను బెదిరిస్తున్నారని విమర్శించారు. హింస అనేది వాళ్ల డీఎన్‌ఏలోనే ఉందని దుయ్యబట్టారు. విధ్వంసాన్నే నమ్ముకున్న ఆ పార్టీకి గత ఎన్నికల్లో ప్రజలు తగిన బుద్ధి చెప్పారని పేర్కొన్నారు. ఎక్కడైనా పోస్టర్లకు రక్తాభిషేకం చేస్తారా? అది వైసీపీకి చెల్లిందని అన్నారు. ఇకనైనా రప్పారప్పా రాజకీయాలు వద్దని, నేరగాళ్లను ప్రోత్సహించవద్దని సూచించారు. మాజీ ఎంపీ వివేకానంద ను చంపివేసి ఆ నేరాన్ని తనపై మోపారని గుర్తు చేశారు. హింసకు, నా జీవితంలో చోటు లేదని తెలిపారు.
Full story at Namasthe Telangana: https://www.ntnews.com/andhrapradesh-news/it-would-be-better-to-stop-blackmail-politics-chandrababus-warning-to-ysrcp-2540277
framing not published · 1 outlet covered this story, below the floor for a split