గొడవలతో సిటీ తగలబడిపోతే మాకేంటి..? కూల్‌గా వైన్ తాగుతూ సిగరెట్‌తో ఎంజాయ్ చేస్తున్న కపుల్!
V6 Velugu · V6 Velugu · 2 min read at V6 Velugu
ఫ్రాన్స్ రాజధాని పారిస్‌లో హింసాత్మక నిరసనలు మిన్నంటాయి. దేశవ్యాప్తంగా అల్లర్లు చెలరేగి నగరమంతా అగ్నిప్రమాదాలు, విధ్వంసాలతో దద్దరిల్లిపోతోంది. అయితే ఈ భయానక వాతావరణంలోనూ ఓ జంట ప్రదర్శించిన కూల్ నెస్ ఇప్పుడు సోషల్ మీడియాలో హాట్ టాపిక్‌గా మారింది. ఆర్క్ డి ట్రయంఫ్ సమీపంలోని ఒక వీధి కేఫ్‌లో ఈ ఘటన చోటుచేసుకుంది. కొద్ది దూరంలోనే చెత్త కుండీలు కాలిపోతూ మంటలు ఎగిసిపడుతున్నా.. ఆ జంట మాత్రం ఏమాత్రం చలించకుండా టేబుల్ వద్ద కూర్చుని ప్రశాంతంగా మాట్లాడుకుంటూ.. వైన్ తాగుతూ, సిగరెట్లు కాలుస్తూ కనిపించారు.
దీనికి సంబంధించిన వీడియో సోషల్ మీడియాలో వైరల్ అవుతోంది. "కొంచెం సివిల్ అన్‌రెస్ట్ తమ సాయంత్రం సరదాను పాడుచేయడానికి ఆ జంట ఒప్పుకోలేదు.. సిగరెట్లు అంత తేలిగ్గా ఆగిపోవు కదా" అంటూ నెటిజన్లు సరదాగా కామెంట్లు చేస్తున్నారు. మరో వీడియోలో ఒక మహిళ పొగలు కక్కుతున్న పారిస్ వీధుల్లో.. కాలిపోతున్న ఎలక్ట్రిక్ బైక్‌లు, నిరసనకారుల మధ్య నుంచి ఎలాంటి భయం లేకుండా జాగింగ్ చేస్తూ వెళ్లిన వీడియో అందరినీ ఆశ్చర్యానికి గురిచేస్తోంది.
Excerpt. Full story at V6 Velugu: https://www.v6velugu.com/paris-protests-couple-sips-wine-and-smokes-calmly-next-burning-street-fire
framing not published · 10 outlets covered this story, below the floor for a split