Hair Fall | జుట్టు రాలడానికి వారం క్రితం వ‌చ్చిన మార్పులే కార‌ణ‌మా.. నిపుణులు ఏమంటున్నారు..?
Namasthe Telangana · NT News telugu · 2 min read at Namasthe Telangana
Hair Fall | జుట్టు రాలడం అనేది చాలామందిని వేధించే సాధారణ సమస్య. సాధారణం కంటే ఎక్కువగా జుట్టు రాలుతుండటాన్ని గమనించినప్పుడు దానికి కారణమేంటో తెలియక చాలామంది ఆందోళన చెందుతుంటారు. ఒత్తిడి, అనారోగ్యం, వేగంగా బరువు తగ్గడం, హార్మోన్లలో మార్పులు వంటి అనేక కారణాల వల్ల జుట్టు రాలుతుంది. అయితే ఈ సమస్యకు కారణం ఇటీవల జరిగిన సంఘటన మాత్రమే కాద‌ని, కొన్ని సందర్భాల్లో మూడు నెలల క్రితం ఎదురైన శారీరక లేదా మానసిక ఒత్తిడి ప్రభావం కూడా ఇప్పుడు కనిపిస్తుంద‌ని పోషకాహార నిపుణులు వివరించారు.
శరీరం తీవ్రమైన అనారోగ్యం, అధిక ఒత్తిడి లేదా తక్కువ సమయంలో బరువు తగ్గించే ఆహార నియమాల వంటి పరిస్థితులను ఎదుర్కొన్నప్పుడు, జుట్టు పెరిగే దశలో ఉన్న కుదుళ్లలో చాలా వరకు విశ్రాంతి దశలోకి వెళ్తాయని వారు తెలిపారు. ఈ దశలో సుమారు 100 రోజుల పాటు కొనసాగిన తర్వాత జుట్టు రాలడం మొదలవుతుందని పేర్కొన్నారు. అందువల్ల జుట్టు రాలడానికి కారణాన్ని గుర్తించాలనుకునేవారు గత వారం రోజుల్లో జరిగిన మార్పులకే పరిమితం కాకుండా, సుమారు మూడు నెలల క్రితం ఆహారపు అలవాట్లు, ఒత్తిడి, అనారోగ్యం వంటి అంశాల్లో ఏవైనా మార్పులు జరిగాయా అని పరిశీలించాలని సూచించారు.
Excerpt. Full story at Namasthe Telangana: https://www.ntnews.com/health/do-one-week-ago-changes-are-the-reason-for-hair-fall-what-experts-say-2539420
framing not published · 1 outlet covered this story, below the floor for a split