ఇవి తింటే రోగాలే!.. టీజీసేఫ్‌ తనిఖీల్లో విస్తుపోయే విషయాలు వెలుగులోకి
Namasthe Telangana · NT News telugu · 3 min read at Namasthe Telangana
సిటీబ్యూరో, అక్టోబర్‌ 14 (నమస్తే తెలంగాణ): టీజీసేఫ్‌ తనిఖీల్లో కొన్ని చోట్ల కూరగాయలు కుళ్లిపోయి ఉండగా, మరికొన్ని చోట్ల ఆహార పదార్థాలపై ఫంగస్‌ కనిపించిందని, ఫ్రిజ్‌లలో శాకాహార, మాంసాహార పదార్థాలను ఒకేచోట కలిపి నిల్వ చేయడం, గడువు ముగిసిన ఆహార పదార్థాలను ఉంచడం, వండిన ఆహారాన్ని వార్తాపత్రికలపై పెట్టడం వంటి ప్రజారోగ్యానికి హాని కలిగించే చర్యలకు పాల్పడినట్లు అధికారులు తెలిపారు. పీపుల్‌ కంబైన్‌ హాస్పిటాలిటీలో పెసరపప్పుపై పురుగుల బెడద, అపరిశుభ్రమైన ఫ్రిజ్‌ లు, తుప్పుపట్టిన వంట పరికరాలు, సరైన పద్ధతిలో ఆహార పదార్థాలను నిల్వ చేయకపోవడం వంటి లోపాలు గుర్తించారు.
అమ్మచేతి వంటలో కుళ్లిన కూరగాయలు, జీడిపప్పు, శనగపిండి వంటి పదార్థాలపై ఫంగస్‌ , అపరిశుభ్రమైన ఫ్రీజర్లు, వంట పరికరాలు ఉన్నట్లు అధికారులు పేరొన్నారు. తనూజా హోటల్స్‌లో జారుడుగా మారిన దెబ్బతిన్న వంటగది నేల, ఆహార వ్యర్థాలతో నిండిన డ్రైనేజీ ట్రాప్స్‌ , బొద్దింకలు, ఈగలు, కుళ్లిన టమాటాలు, నిమ్మకాయలు గుర్తించారు. శ్రీ ఆద్య గ్రాండ్‌ రెస్టారెంట్‌ లో ఉపయోగించిన నూనె ముదురు రంగులో ఉండటంతో పాటు, ఫ్రిజ్‌ లో శాకాహార, మాంసాహార పదార్థాలను కలిపి ఉంచినట్లు తనిఖీల్లో వెల్లడైంది.
Excerpt. Full story at Namasthe Telangana: https://www.ntnews.com/hyderabad/eating-these-leads-to-illness-shocking-facts-revealed-during-tg-safe-inspections-2536719
framing not published · 1 outlet covered this story, below the floor for a split