Kavathe Ekand Dussehra | దీపావళికి కాదు.. దసరా రాత్రంతా బాణసంచా కాల్చే గ్రామం!
Namasthe Telangana · NT News telugu · 2 min read at Namasthe Telangana
Kavathe Ekand Dussehra | సాధారణంగా బాణసంచా కాల్చడం అనగానే దీపావళి పండుగ గుర్తుకొస్తుంది. కానీ మహారాష్ట్రలోని సాంగ్లీ జిల్లాలో ఉన్న కవఠే ఏకంద్‌ గ్రామంలో విజయదశమి రాత్రి బాణసంచా వెలుగులతో సందడి నెలకొంటుంది. ఇక్కడ గ్రామదైవమైన సిద్ధరాజ్‌ మహారాజ్‌ పల్లకీ ఊరేగింపుతో పాటు రాత్రంతా బాణసంచా కాల్చడం ప్రత్యేక సంప్రదాయంగా కొనసాగుతోంది. సుమారు 300 ఏళ్లకు పైగా చరిత్ర ఉన్న ఈ సంప్రదాయం కోసం మహారాష్ట్రతో పాటు పొరుగున ఉన్న కర్ణాటక నుంచి కూడా సందర్శకులు తరలివస్తారు. ఇంతకీ ఈ గ్రామం ఎక్కడుంది? దసరా వేళ రాత్రంతా బాణసంచా ఎందుకు కాలుస్తారు?
మహారాష్ట్రలోని సాంగ్లీ జిల్లాలో తాస్గావ్‌ తాలూకాలో కవఠే ఏకంద్‌ గ్రామం ఉంది. దసరా వేడుకలకు ఈ గ్రామం ప్రత్యేకంగా ప్రసిద్ధి చెందింది. ఇక్కడి గ్రామదైవం శ్రీ సిద్ధరాజ్‌ మహారాజ్‌ పల్లకి ఊరేగింపుతో పాటు జరిగే బాణసంచా ప్రదర్శన ప్రధాన ఆకర్షణగా నిలుస్తుంది. ఇవాళ రాత్రంతా గ్రామంలోని వీధులు, పరిసర ప్రాంతాలు పటాసుల వెలుగులతో సందడిగా మారుతాయి. ఈ ప్రత్యేకత కారణంగా ఈ ప్రాంతాన్ని ‘మహారాష్ట్ర శివకాశి’ అని కూడా పిలుస్తారు. తమిళనాడులోని శివకాశి బాణసంచా తయారీకి ప్రసిద్ధి చెందిన నగరం కావడంతో ఈ పేరు ప్రాచుర్యంలోకి వచ్చింది.
Excerpt. Full story at Namasthe Telangana: https://www.ntnews.com/national/in-this-maharashtra-village-dussehra-night-is-celebrated-with-fireworks-until-dawn-2540406
framing not published · 1 outlet covered this story, below the floor for a split