మంత్రిగారి సిఫార్సు.. మహా కుంభకోణం వివేక గంగాధరం!
Namasthe Telangana · NT News telugu · 5 min read at Namasthe Telangana
ప్రత్యేక ప్రతినిధి (నమస్తే తెలంగాణ) అక్టోబర్‌ 16 : కార్మికశాఖలో వెలుగుచూసిన మహా కుంభకోణంపై అన్ని వేళ్లూ నేరుగా కార్మిక శాఖ మంత్రి గడ్డం వివేక్‌ వెంకటస్వామి, భవన నిర్మాణ కార్మిక సంక్షేమ బోర్డు సీఈవో గంగాధర్‌ వైపే చూపిస్తున్నాయి. మంత్రి రాసిచ్చే సిఫార్సు లేఖలే అర్హత పత్రాలుగా, బోర్డు సీఈవో కనుసైగే ఆన్‌లైన్‌ పోర్టల్‌ సైట్‌కు పాస్‌వర్డ్‌గా పనిచేస్తున్నాయని టంగుటూరి అంజయ్య కార్మిక సంక్షేమ భవన్‌ వర్గాల్లో ప్రచారం జరుగుతున్నది. బాధితులకు సంబంధించి సరైన ఆధారాలు లేకపోయినా, చివరికి తెల్లకాగితాలు జతచేసినా, మంత్రి ఉత్తరం ఉంటే నిమిషాల్లో క్లెయిమ్‌లు క్లియర్‌ అయిపోతున్నాయని చెప్తున్నారు.
మంత్రి వివేక్‌ సొంత జిల్లా మంచిర్యాల, పొరుగున ఉన్న పెద్దపల్లి జిల్లాలు ఈ కుంభకోణానికి ప్రధాన కేంద్ర స్థానాలుగా ఉన్నాయని చెప్పుకొంటున్నారు. వీరి దళారీ నెట్‌వర్క్‌ అన్ని గ్రామాలకు విస్తరించిందని పేర్కొంటున్నారు. పేదలు ఏ కారణంతో మరణించినా, ఏజెంట్లు వెంటనే అక్కడ వాలిపోతున్నారని, నకిలీ పత్రాలు పుట్టించి, ప్రమాదవశాత్తు మరణించినట్టుగా దరఖాస్తు చేసి, ప్రజాధనాన్ని దోచుకుంటున్నారని ఆరోపిస్తున్నారు. పరిహారంలో బాధిత కుటుంబాలకు రూ.వేలల్లో ఇచ్చి, దళారులు రూ.లక్షల్లో మింగుతున్నారని కార్మిక శాఖ విచారణలోనే వెలుగుచూసింది.
Excerpt. Full story at Namasthe Telangana: https://www.ntnews.com/telangana/telangana-labour-welfare-scam-allegations-point-to-irregularities-in-compensation-claims-2538397
framing not published · 1 outlet covered this story, below the floor for a split