మణిపూర్‌ లో మళ్లీ చెలరేగిన హింస... సీఎం ఇంటి ముందు డెడ్ బాడీ లతో స్థానికుల నిరసన..
V6 Velugu · V6 Velugu · 1 min read at V6 Velugu
ఇంఫాల్: మణిపూర్‌‌‌‌‌‌‌‌‌‌‌‌‌‌‌‌లో శాంతిభద్రతలు మరోసారి క్షీణించాయి. తాజాగా చోటుచేసుకున్న వేర్వేరు హింసాత్మక ఘటనల్లో నలుగురు ప్రాణాలు కోల్పోయారు. ఈ హత్యలతో ఇంఫాల్ నగరం అట్టుడికిపోయింది. మృతదేహాలతో నిరసనకారులు సీఎం నివాసాన్ని ముట్టడించేందుకు యత్నించడంతో తీవ్ర ఉద్రిక్తత నెలకొంది. వివరాల్లోకి వెళ్తే.. మైతీ, పాంగల్ ముస్లింలు నివసించే ప్రాంతంలో ఆదివారం రాత్రి జరిగిన ఒక మ్యూజికల్ ఈవెంట్‌‌‌‌‌‌‌‌‌‌‌‌‌‌‌‌లో ఒక్కసారిగా ఘర్షణ చెలరేగింది.
ఇరువర్గాల మధ్య జరిగిన రాళ్లదాడి, కాల్పుల్లో పలువురు గాయపడగా, చికిత్స పొందుతూ 24 ఏండ్ల యువకుడు మృతి చెందాడు. మరోవైపు, ఇంఫాల్ తూర్పు జిల్లాలోని ఖమెన్‌‌‌‌‌‌‌‌‌‌‌‌‌‌‌‌లాక్ ప్రాంతంలో తీవ్ర ఉద్రిక్తత చోటు చేసుకుంది. స్థానిక కొండ ప్రాంతానికి కట్టెలు ఏరుకోవడానికి వెళ్లిన ముగ్గురు గ్రామస్తులను సాయుధులు కాల్చి చంపారు. ఈ దాడిలో మరో ముగ్గురు గాయపడ్డారు. ఈ ప్రాంతంలో ఉగ్రవాద సంస్థల ప్రాబల్యం ఉందని పోలీసులు తెలిపారు.
Excerpt. Full story at V6 Velugu: https://www.v6velugu.com/4-demised-in-manipur-violence-locals-take-bodies-to-chief-ministers-house
framing not published · 1 outlet covered this story, below the floor for a split