No Relief For CJP | అశుతోష్ రాంకా, సౌరవ్ దాస్‌లకు.. కస్టడీని పొడిగించిన కోర్టు
Namasthe Telangana · NT News telugu · 1 min read at Namasthe Telangana
న్యూఢిల్లీ: కాక్రోచ్ జనతా పార్టీ (సీజేపీ) నాయకులైన అశుతోష్ రాంకా, సౌరవ్ దాస్‌లకు ఊరట లభించలేదు. వీరిద్దరి జ్యుడీషియల్ కస్టడీని మరో రెండు రోజులు పాటు కోర్టు పొడిగించింది. ఈ నేపథ్యంలో వారిని తిరిగి తీహార్‌ జైలుకు పోలీసులు తరలించారు. (No Relief For CJP) ఢిల్లీలోని జంతర్ మంతర్ వద్ద నిరసనలు తెలిపేందుకు అనుమతిని పోలీసులు రద్దు చేసినప్పటికీ, అక్టోబర్ 13న అశుతోష్ రాంకా, సౌరవ్ దాస్‌ అక్కడి గేట్లను ఎక్కి లోపలికి ప్రవేశించారు. ఈ నేపథ్యంలో వీరిద్దరిని పోలీసులు అరెస్ట్‌ చేశారు. అక్టోబర్ 14న వీరిని కోర్టులో ప్రవేశపెట్టగా మొదట ఐదు రోజుల జ్యుడీషియల్ కస్టడీ విధించారు. దీంతో వారిని తీహార్‌ జైలుకు తరలించారు.
కాగా, సోమవారంతో ఐదు రోజలు జ్యుడీషియల్ కస్టడీ ముగిసింది. దీంతో అశుతోష్ రాంకా, సౌరవ్ దాస్‌లను ఢిల్లీ పోలీసులు కోర్టులో ప్రవేశపెట్టారు. అయితే వారిని విడుదల చేస్తే శాంతిభద్రతలకు భంగం కలిగించవచ్చని వారు ఆరోపించారు. వారిద్దరినీ మరింత కాలం తమ కస్టడీకి అప్పగించాలని ఢిల్లీ పోలీసులు కోరారు. ఈ నేపథ్యంలో అశుతోష్ రాంకా, సౌరవ్ దాస్‌ జ్యుడీషియల్ కస్టడీని కోర్టు మరో రెండు రోజులు పొడిగించింది. దీంతో వారిద్దరిని తిరిగి తీహార్‌ జైలుకు తరలించారు. అక్టోబర్ 21న తిరిగి వారిని కోర్టులో ప్రవేశపెట్టనున్నారు.
Excerpt. Full story at Namasthe Telangana: https://www.ntnews.com/national/no-relief-for-cjps-ashutosh-ranka-saurav-das-court-extends-jail-custody-for-two-days-2540351
framing not published · 1 outlet covered this story, below the floor for a split