నోముల రిషితకు రూ.55 వేల ఆర్థిక సాయం
Namasthe Telangana · NT News telugu · 1 min read at Namasthe Telangana
రామ‌గిరి, అక్టోబ‌ర్ 19 : ఇంటర్మీడియట్‌లో 1000 మార్కులకు 974 మార్కులు సాధించిన నిరుపేద విద్యార్థిని నోముల రిషితకు నల్ల‌గొండ ఫైనాన్స్ వెల్ఫేర్ అసోసియేషన్, క్రెడాయ్ అసోసియేషన్ సంయుక్తంగా రూ.55,000 ఆర్థిక సాయం అందించాయి. సోమవారం ఉదయం శాసనమండలి అధ్యక్షుడు గుత్తా సుఖేందర్ రెడ్డి క్యాంప్‌ కార్యాలయంలో ఆయన చేతుల మీదుగా రిషితకు చెక్కును అందజేశారు. నల్ల‌గొండ పట్టణంలోని బొట్టుగూడకు చెందిన విజయ్ కుమార్తె రిషిత ప్రభుత్వ బాలికల కళాశాలలో ఇంటర్మీడియట్ చదివి అత్యుత్తమ మార్కులు సాధించింది. ఆమె ప్రతిభను గుర్తించిన ఘట్‌కేస‌ర్‌లోని విజ్ఞాన్ ఇంజినీరింగ్ కళాశాల యాజమాన్యం సీఈసీ బ్రాంచ్‌లో కళాశాల ఫీజు మినహాయించి…
రిషిత ఆర్థిక పరిస్థితిని తెలుసుకున్న ఫైనాన్స్, క్రెడాయ్ అసోసియేషన్ సభ్యులు ఆమె చదువుకు తోడ్పాటుగా రూ.55 వేల సాయం అందించారు. ఈ సందర్భంగా గుత్తా సుఖేందర్ రెడ్డి మాట్లాడుతూ వ్యాపారంతో పాటు దానగుణాన్ని కలిగి ఉండటం అభినందనీయమని పేర్కొన్నారు. రిషిత ఇంజనీరింగ్‌లోనూ ప్రతిభ కనబరిచి ఉన్నత స్థాయికి ఎదగాలని ఆకాంక్షించారు. ఈ కార్యక్రమంలో ఫైనాన్స్ అసోసియేషన్ అధ్యక్షుడు ఆమంచి రాజలింగం, జనరల్ సెక్రటరీ డాక్టర్ మర్రెడ్డి శ్రీనివాస్ రెడ్డి, కోశాధికారి మామిడి శ్రవణ్, క్రెడాయ్ కోశాధికారి నాంపల్లి మనోహర్, నేతి విప్లవ్ కుమార్, ఇరు అసోసియేషన్ల సభ్యులు, విద్యార్థిని తల్లిదండ్రులు పాల్గొన్నారు.
Excerpt. Full story at Namasthe Telangana: https://www.ntnews.com/nalgonda/financial-aid-of-rs-55000-for-nomula-rishitha-2540252
framing not published · 1 outlet covered this story, below the floor for a split