పట్టభద్రుల నిరాసక్తత.. అధికారుల నిర్లక్ష్యం
Namasthe Telangana · NT News telugu · 3 min read at Namasthe Telangana
హైదరాబాద్‌, అక్టోబర్‌ 15 (నమస్తే తెలంగాణ): తెలంగాణలో ఎమ్మెల్సీ ఎన్నికల ప్రక్రియ ఎవరికీ పట్టని వ్యవహారంగా మారింది. అటు పట్టభద్రులైన ఓటర్ల నమోదు ప్రక్రియ అత్యంత నిస్తేజంగా, నత్తనడకన సాగుతుండగా..ఇటు వచ్చిన దరఖాస్తుల పరిశీలనలో అధికారులు నిర్లక్ష్యంగా వ్యవహరిస్తున్నారు. శాసనమండలికి ఇద్దరు సభ్యులను ఎన్నుకొనేందుకుగాను ఓటర్లుగా నమోదు చేసుకొనేందుకు పట్టభద్రులు ఆసక్తి చూపడం లేదు.
మహబూబ్‌నగర్‌-రంగారెడ్డి-హైదరాబాద్‌, వరంగల్‌-ఖమ్మం-నల్లగొండ పట్టభద్రుల నియోజకవర్గాల్లో ఓటర్ల నమోదుకు షెడ్యూల్‌ విడుదలై 20 రోజులు కావస్తున్నా 30 శాతం మంది కూడా తమ ఓటు హక్కు కోసం ముందుకురాలేదు. గతంలో ఈ రెండు స్థానాలకు ఎన్నికలు జరిగినప్పుడు 10 లక్షల మందికిపైగా ఓటర్లు ఉన్నారు. కానీ ఈసారి ఇప్పటివరకు కేవలం 3.53 లక్షల మంది మాత్రమే దరఖాస్తు చేసుకున్నారు. మరోవైపు అధికారులు సైతం వచ్చిన దరఖాస్తులను పరిశీలించడంలో నిర్లక్ష్యం వహిస్తున్నారు. ఇప్పటివరకు 3,53,897 దరఖాస్తులు రాగా, కేవలం ఒక్కశాతం దరఖాస్తులనే పరిశీలించారు. 3,53,897 దరఖాస్తుల్లో 2,409 ఆమోదం పొందగా, 220 తిరస్కరించారు.
Excerpt. Full story at Namasthe Telangana: https://www.ntnews.com/telangana/telangana-graduate-mlc-voter-registration-slows-as-98-of-applications-remain-pending-2537643
framing not published · 1 outlet covered this story, below the floor for a split