ఫార్మా భూముల్లో మరో ప్రాజెక్టు!
Namasthe Telangana · NT News telugu · 2 min read at Namasthe Telangana
రంగారెడ్డి, అక్టోబర్‌ 18 (నమస్తే తెలంగాణ) : ఫార్మాసిటీ కోసం గత బీఆర్‌ఎస్‌ సర్కార్‌ సేకరించిన భూములను రేవంత్‌ సర్కార్‌ నిబంధనలకు విరుద్ధంగా ఇతర ప్రాజెక్టులకు కేటాయించడంపై రైతులకు ఆగ్రహం వ్యక్తమవుతున్నది. తాజాగా సోమవారం రంగారెడ్డి జిల్లా యాచారం మండలం కుర్మిద్ద అనుబంధ గ్రామమైన మర్లకుంటతండాలో ఫార్మాతో సంబంధం లేని నేషనల్‌ ఇన్‌స్టిట్యూట్‌ ఆఫ్‌ అర్బన్‌ మేనేజ్‌మెంట్‌ ప్రాజెక్టుకు సోమవారం శంకుస్థాపన చేయనుండటం విమర్శలకు తావిస్తున్నది.
అలాగే ఇబ్రహీంపట్నం సమీపంలోని ఆక్టోపస్‌లో నూతనంగా ఏర్పాటుచేసిన ఫ్యూచర్‌సిటీ కమిషనర్‌రేట్‌ను ప్రారంభించనున్నారు. ఫార్మాసిటీని రద్దు చేసి, ఆ భూములను తిరిగి రైతులకే ఇస్తామని మ్యానిఫెస్టోలో చెప్పి, అధికారంలోకి రాగానే రేవంత్‌ ఆ హామీని తొక్కారు. భూముల విషయమై రైతులు హైకోర్టుకు వెళ్లడంతో ఫార్మా అనుబంధ కంపెనీలు మాత్రమే ఏర్పాటుచేస్తామని కోర్టుకు అఫిడవిట్‌ ఇచ్చి మరీ.. బయట మాత్రం ఫార్మాసిటీ రద్దు అంటూ ఫ్యూచర్‌సిటీకి తెరతీయడం రైతులను కలవరపెడుతున్నది.
Excerpt. Full story at Namasthe Telangana: https://www.ntnews.com/telangana/farmers-oppose-urban-management-institute-project-on-pharma-city-land-in-telangana-2539878
framing not published · 1 outlet covered this story, below the floor for a split