రేవంత్‌వి చౌకబారు రాజకీయాలు
Namasthe Telangana · NT News telugu · 2 min read at Namasthe Telangana
హైదరాబాద్‌, అక్టోబర్‌ 1(నమస్తే తెలంగాణ): సిరిసిల్ల బహిరంగ సభ వేదికగా బీఆర్‌ఎస్‌ వరింగ్‌ ప్రెసిడెంట్‌ కేటీఆర్‌పై ముఖ్యమంత్రి రేవంత్‌రెడ్డి చేసిన వ్యాఖ్యలు కేవలం ప్రభుత్వ పరిపాలనా వైఫల్యాల నుంచి ప్రజల దృష్టిని మళ్లించేందుకు చేస్తున్న చౌకబారు రాజకీయాలని బీఆర్‌ఎస్‌ఎల్పీ డిప్యూటీ లీడర్‌, మాజీ మంత్రి పీ సబితా ఇంద్రారెడ్డి మండిపడ్డారు. కేటీఆర్‌ ఆస్తులపై ఎలాంటి ఆధారాలు లేకుండా మాట్లాడటం సీఎం హోదాలో ఉన్న రేవంత్‌రెడ్డి దిగజారుడు రాజకీయాలకు నిదర్శనమని గురువారం ఒక ప్రకటనలో పేర్కొన్నారు.
గతంలో ప్రతిపక్షంలో ఉన్నప్పుడు, ఇటీవల కాలంలోనూ సిరిసిల్ల ప్రాంతంలో కేటీఆర్‌ దాదాపు 8 వేల ఎకరాల భూమిని ఆక్రమించారని, ఆ బాగోతాన్ని బయటపెడుతామంటూ రేవంత్‌రెడ్డి పెద్దఎత్తున అసత్య ప్రచారం చేశారని గుర్తుచేశారు. సిరిసిల్ల గడ్డపైనే అధికారిక సభ ఏర్పాటు చేసి కూడా, ఆ ఎనిమిది వేల ఎకరాల ఆక్రమణలపై ఏ ఒక ఆధారమూ ప్రజల ముందు ఎందుకు ఉంచలేకపోయారని నిలదీశారు. ఎన్నికల వేళ కట్టుకథలు, అసత్య ప్రచారాలతో ప్రజలను భ్రమల్లోకి నెట్టి ఓట్లు దండుకున్నారని, తీరా అధికారంలోకి వచ్చాక ఆరోపణలను నిరూపించలేక చేతులెత్తేశారని ఎద్దేవా చేశారు.
Excerpt. Full story at Namasthe Telangana: https://www.ntnews.com/telangana/sabitha-indra-reddy-accuses-revanth-reddy-of-targeting-ktr-2525291
framing not published · 1 outlet covered this story, below the floor for a split