తెలంగాణలో 5 కొత్త రోప్‌‌‌‌‌‌‌‌వేలు!..కేంద్ర పర్వతమాల స్కీం కింద గ్రీన్ సిగ్నల్
V6 Velugu · V6 Velugu · 2 min read at V6 Velugu
హైదరాబాద్, వెలుగు: రాష్ట్రంలోని ఐదు ప్రముఖ పర్యాటక ప్రాంతాల్లో అత్యాధునిక రోప్‌‌‌‌‌‌‌‌వేల నిర్మాణానికి కేంద్ర ప్రభుత్వం గ్రీన్ సిగ్నల్ ఇచ్చింది. ఇటీవల రాష్ట్ర ప్రభుత్వం ఢిల్లీలో సమర్పించిన ప్రతిపాదనలపై కేంద్ర రోడ్డు రవాణా, జాతీయ రహదారుల మంత్రిత్వశాఖ స్పందించింది. ప్రతిష్టాత్మక పర్వతమాల స్కీం కింద దాదాపు రూ.1,230 కోట్ల అంచనా వ్యయంతో ఈ ప్రాజెక్టులను చేపట్టబోతున్నది. దీంతో డీపీఆర్‌ ల రూపకల్పన ప్రక్రియ వేగం పుంజుకోనుంది. కొండలు, గుట్టలు, లోయల మీదుగా కేబుల్ కార్లలో సాగే ఈ ప్రయాణం పర్యాటకులకు సరికొత్త అనుభూతిని పంచనుంది.
ప్రపంచంలోనే అతిపెద్ద ద్వీపపు మ్యూజియం కలిగిన నాగార్జునకొండ అంతర్జాతీయ బౌద్ధ సాంస్కృతిక కేంద్రంగా విరజిల్లుతోంది. ప్రస్తుతం నాగార్జునసాగర్ జలాశయంలో విజయపురి నుంచి లాంచీల ద్వారా మాత్రమే కొండపైకి వెళ్లే వీలుంది. నీటిమట్టం తగ్గినా.. ప్రతికూల వాతావరణం ఉన్నా.. రాకపోకలకు ఇబ్బందులు ఎదురవుతున్నాయి. రోప్‌‌‌‌‌‌‌‌వే అందుబాటులోకి వస్తే కృష్ణానది అందాలు, నల్లమల అటవీ సోయగాలను ఆకాశమార్గం నుంచి వీక్షిస్తూ ప్రయాణించవచ్చు. విదేశీ బౌద్ధ పర్యాటకులు, పరిశోధకులకు ఇది అద్భుత అనుభూతిని ఇస్తుంది.
Excerpt. Full story at V6 Velugu: https://www.v6velugu.com/5-new-ropeways-approved-in-telangana-under-parvatmala-scheme-rs-1230-cr-project-
framing not published · 1 outlet covered this story, below the floor for a split