unknown callers | గుర్తు తెలియని కాలర్స్‌పై ప్రభుత్వం కీలక నిర్ణయం.. ఇకపై కాలర్ పేరు తప్పనిసరి
Namasthe Telangana · NT News telugu · 2 min read at Namasthe Telangana
unknown callers : మొబైల్‌ ఫోన్‌లో సేవ్ చేసుకోని లేదా కొత్త నెంబర్స్ నుంచి కాల్స్ వస్తే వారి పేర్లు డిస్‌ ప్లే కావు. అన్ నోన్ కాలర్ (గుర్తు తెలియని కాలర్) అని మాత్రమే కనిపిస్తుంటుంది. ఒకవేళ నెంబర్ ఎవరిదో వెంటనే తెలుసుకోవాలంటే ట్రూ కాలర్ వంటి థర్డ్ పార్టీ యాప్స్ వాడాలి. ఇలా, కొత్త నెంబర్స్ నుంచి కాల్స్ వచ్చినప్పుడు అది ఎవరు.. కాల్ లిఫ్ట్ చేయాలా.. వద్దా లాంటి సందేహాలుంటాయి. అయితే, ఇకపై ఇలాంటి గందరగోళానికి చెక్ పెట్టేందుకు కేంద్ర ప్రభుత్వం సిద్ధమైంది.
ఇకపై, ప్రతి కాల్‌కు కాలర్ ఐడీ తప్పనిసరి చేస్తూ కేంద్ర నిర్ణయం తీసుకుంది. అంటే, టెలికాం కంపెనీలు ప్రతి కాలర్ పేరు తప్పనిసరిగా డిస్‌ప్లే చేయాల్సిందే. వచ్చే నవంబర్ 1 నుంచి ఈ నిర్ణయం అమలు చేయాలని టెలికాం కంపెనీలను ప్రభుత్వం ఆదేశించింది. కాలర్ ఐడీ కనిపించే ఫీచర్‌ను కాలింగ్ నేమ్ ప్రజెంటేషన్ (సీఎన్‌ఏపీ)గా పిలుస్తారు. ప్రతి 4జీ, 5జీ ఫోన్లలో కాలర్ ఐడీ డిస్‌ప్లే కావాల్సిందే. ఈ మేరకు కేంద్ర టెలికాం శాఖ (డీవోటీ) ఆదేశాలు జారీ చేసింది. సీఎన్‌ఏపీ అమలైతే స్మార్ట్‌ఫోన్లలో ఒక కాల్ వచ్చిందంటే వారి పేరు నెంబర్‌తోపాటు తప్పకుండా డిస్‌ప్లే అవ్వాల్సిందే.
Excerpt. Full story at Namasthe Telangana: https://www.ntnews.com/national/no-more-unknown-callers-as-government-makes-caller-id-mandatory-for-all-telecom-operators-from-november-1-2026-2537147
framing not published · 1 outlet covered this story, below the floor for a split