వరంగల్‌ ఎయిర్‌పోర్టుకు పాపన్నగౌడ్‌ పేరు పెట్టాలి
Namasthe Telangana · NT News telugu · 1 min read at Namasthe Telangana
హైదరాబాద్‌, అక్టోబర్‌ 18 (నమస్తే తెలంగాణ) : వరంగల్‌ ఎయిర్‌పోర్ట్‌కు సర్దార్‌ సర్వాయి పాపన్నగౌడ్‌ పేరు పె ట్టాలని, కామారెడ్డి డిక్లరేషన్‌లో భాగం గా జనగామ జిల్లాకు పాపన్నగౌడ్‌ జి ల్లాగా నామకరణం చేయాలని గౌడ ఐ క్యసాధన సమితి రాష్ట్ర కమిటీ అంబాల నారాయణగౌడ్‌ డిమాండ్‌ చేశారు. ఆదివారం హైదరాబాద్‌ గౌడ ఐక్యసాధన సమితి రాష్ట్ర కమిటీ నుంచి యువజన విభాగం అధ్యక్షుడిగా రాయికోడ్‌ రాఘవేందర్‌గౌడ్‌ను నియమించినట్టు ప్రకటించారు. రాఘవేందర్‌గౌడ్‌కు నియామకపత్రాన్ని అందించిన అనంతరం నారాయణగౌడ్‌ మాట్లాడారు.
బీసీ, బహుజనులు, యువజనుల హకుల కోసం, గౌడన్నల సమస్యల సాధన కోసం పోరాటాలు చేయాల్సి ఉన్నదని తెలిపారు. దసరా తర్వాత దశలవారీగా సర్వాయి పాపన్న భావజాల వ్యాప్తికోసం ‘పల్లె పల్లెకు పాపన్న స్ఫూర్తి యాత్రలు’ రాష్ట్రవ్యాప్తంగా చేపట్టాలని తీర్మానించినట్టు చెప్పారు. త్వరలో గౌడ ఐక్యసాధన సమితి యువ సమ్మేళనం నిర్వహిస్తామని పేర్కొన్నారు. కార్యక్రమంలో గౌడ ఐక్య సాధన సమితి మహబూబ్‌నగర్‌ ఉమ్మడి జిల్లా అధ్యక్షుడు పాల ఓంకార్‌గౌడ్‌, గౌడ ఐక్య సా ధన సమితి విద్యార్థి విభాగం రాష్ట్ర అ ధ్యక్షుడు బాలక్రిష్ణగౌడ్‌, యువజన నేత పాలమాకుల నరేశ్‌గౌడ్‌ పాల్గొన్నారు.
Full story at Namasthe Telangana: https://www.ntnews.com/telangana/gouda-unity-committee-demands-sardar-sarvai-papanna-gouds-name-for-warangal-airport-2539870
framing not published · 1 outlet covered this story, below the floor for a split