Bangladesh | బంగ్లాదేశ్ రిసార్ట్‌లో అగ్నిప్రమాదం.. 10 మంది మృతి.. 9 మందికి గాయాలు

Bangladesh : బంగ్లాదేశ్‌లో ఘోర అగ్నిప్రమాదం జరిగింది. సముద్రం పక్కనున్న ఒక రిసార్ట్‌లో జరిగిన అగ్నిప్రమాదంలో 10 మంది మరణించారు. 9 మంది గాయపడ్డారు. మరికొందరు మంటల్లో చిక్కుకోగా.. వారి వివరాలు తెలియాల్సి ఉంది. ఈ ఘటన ఈశాన్య బంగ్లాదేశ్, కాక్స్ బజార్ జిల్లాలో శనివారం ఉదయం 6.30 గంటలకు జరిగింది. ఇనాని ప్రాంతం, మెరైన్ డ్రైవ్ పరిధిలోని, పత్వార్టెక్ బీచ్‌లో టుపుటుప్ పేరుతో ఒక రెస్టో అండ్ రిస్టార్ ఉంది.

సముద్రం ఒడ్డునే ఉన్న ఈ రిసార్ట్ మూడంతస్తులుగా ఉంది. దీన్ని పూర్తిగా వెదురుతో నిర్మించారు. ఈ రిసార్ట్‌లో ఉదయం అగ్నిప్రమాదం సంభవించింది. మొత్తం వెదురుతో నిర్మించిన రిసార్ట్ కావడంతో మంటలు వేగంగా వ్యాపించాయి. మూడంతస్తులు.. మంటలు వేగంగా వ్యాపించడంతో పై అంతస్తుల్లో ఉన్న వారు కిందికి రావడానికి వీలు కాలేదు. దీంతో చాలా మంది లోపలే చిక్కుకుపోయారు. అగ్నిప్రమాదం సంభవించిన తరుణంలో అందులో 30 మంది వరకు ఉన్నట్లు అంచనా.