కొండచిలువను పట్టుకుని తాడాట.. నలుగురు యువకుల వింత చేష్టలు.. వీడియో చూస్తే ఒళ్లు జలదరిస్తుంది!

వన్యప్రాణి అంటే వినోదం కోసం వాడుకునే బొమ్మ కాదు.. ప్రకృతిలో దానికంటూ ఓ జీవితం ఉంటుంది. కానీ కేరళలో వెలుగులోకి వచ్చిన ఓ వీడియో చూస్తే మాత్రం కొందరు యువకులు ఈ విషయాన్ని పూర్తిగా మర్చిపోయినట్టుగా అనిపిస్తోంది. ఓ భారీ కొండచిలువతో నలుగురు యువకులు చేసిన పని ఇప్పుడు సోషల్ మీడియాలో చర్చకు దారితీసింది.

తాడాట ఆడినట్టుగా.. కొండచిలువతో వింత చేష్టలు కేరళలోని ఎర్నాకులం ప్రాంతానికి చెందినట్లుగా భావిస్తున్న ఈ వీడియోలో నలుగురు యువకులు ఓ కొండచిలువ(Rock Python)ను పట్టుకుని ఉన్నట్లు కనిపిస్తుంది. ఇద్దరు యువకులు ఆ పామును పట్టుకుని అటూ ఇటూ ఊపుతుండగా, మరో యువకుడు ఏకంగా అది తాడు అన్నట్టుగా దానిపై నుంచి దూకుతున్నట్లు వీడియోలో కనిపిస్తోంది.