తెల్లకాగితాలపై సంతకాలు.. స్థానిక సంస్థల ఎన్నికల్లో టీడీపీ రౌడీ రాజకీయం: భూమన

స్థానిక సంస్థల ఎన్నికల్లో టీడీపీ రౌడీ రాజకీయం చేస్తోందని వైసీపీ నేత భూమన కరుణాకర్ రెడ్డి అన్నారు. పోలీసులతో పాటు రిటర్నింగ్ అధికారులను కూడా కొనేశారంటూ ఆరోపించారు. నామినేషన్ల సమయంలో తెల్లకాగితాలపై సంతకాలు తీసుకుంటున్నారని విమర్శించారు.

వైసీపీ, ఇండిపెండెంట్ అభ్యర్థుల నామినేషన్ ప్రక్రియపై అభ్యంతరాలు వ్యక్తం చేశారు. తెల్లకాగితాలపై సంతకాలు తీసుకోవడం ఎన్నికల నిబంధనలకు విరుద్ధమని అన్నారు. వైసీపీ అభ్యర్థులు ఎవరూ నామినేషన్లు ఉపసంహరించుకోరని స్పష్టం చేశారు.