చైనా

Namasthe Telangana · October 23, 2026

Abhijeet Dipke | ఢిల్లీని కాదు.. చైనాతో స‌రిహ‌ద్దుల్ని కాపాడండి.. మోదీపై అభిజీత్ దీప్కే విమ‌ర్శ‌లు

Abhijeet Dipke : బీజేపీ ప్ర‌భుత్వం కాపాడాల్సింది ఢిల్లీని కాద‌ని.. చైనాతో ఇండియా పంచుకుంటున్న స‌రిహ‌ద్దును అని సీజేపీ ఫౌండ‌ర్ అభిజీత్ దీప్కే అన్నారు. తాజాగా చైనా స‌రిహ‌ద్దులో భార‌త జ‌వాన్ల‌తో చైనా సైన్యం ఘ‌ర్ష‌ణ‌కు దిగుతుండ‌టాన్ని దీప్కే త‌ప్పుబ‌ట్టారు. స‌రిహ‌ద్దుల్ని కాపాడ‌టానికి వినియోగించాల్సిన సైన్యాన్ని దేశంలో నిర‌స‌న‌ల్ని అణ‌చివేయ‌డానికి కేంద్ర ప్ర‌భుత్వం వాడుతోంద‌ని దీప్కే విమ‌ర్శించారు. ఈ మేర‌కు శుక్ర‌వారం సోష‌ల్ మీడియా వేదిక‌గా స్పందించారు.

అరుణాచ‌ల్ ప్ర‌దేశ్‌లో, ఇండియా-చైనా స‌రిహ‌ద్దులో నిత్యం ఏదో ఒక చోట ఘ‌ర్ష‌ణ జ‌రుగుతూనే ఉంద‌ని తాజాగా ఐటీబీబీపీ చీఫ్ శ‌తృజీత్ క‌పూర్ వెల్ల‌డించిన సంగ‌తి తెలిసిందే. మ‌న సైన్యానికి, అక్క‌డ ప‌ని చేస్తున్న భార‌త సైన్య‌మైన ఐటీబీపీకి మ‌ధ్య కొద్ది రోజులుగా నిత్యం ఘ‌ర్ష‌ణ జ‌రుగుతోంద‌ని ఆయ‌న తెలిపారు. ఇక్క‌డ స‌రిహ‌ద్దు కోసం కేంద్రం కొత్త‌గా త‌యారు చేసిన శౌర్య క‌మాండోలు ధైర్యంగా ప‌ని చేస్తున్న‌ట్లు క‌పూర్ తెలిపారు. ఇప్పుడు ఇదే అంశంపై దీప్కే కేంద్రాన్ని, ప్ర‌ధాని మోదీని ప్ర‌శ్నించారు. సైన్యాన్ని వాడుకోవ‌డంలో కేంద్ర ప్ర‌భుత్వ ప్రాధాన్య‌త‌లు ఏంట‌ని దీప్కే నిల‌దీశారు.