ఆ మూడింటి మధ్య...

సుఖం, సంతోషం, ఆనందం అనేవి పైకి ఒకే అర్థాన్నిచ్చే పదాలుగా కనిపిస్తాయి. కానీ భారతీయ తత్వ, మనస్తత్వశాస్త్రాల ప్రకారం- అనుభవ తీవ్రత, మూలం, నిలిచి ఉండే కాలాన్ని బట్టి ఆ మూడింటి మధ్య సూక్ష్మమైన అంతరాలు ఉన్నాయి.

సుఖమనేది భౌతిక అనుభవం. బయటి వస్తువులు లేదా అనుకూల పరిస్థితుల ద్వారా శరీరానికి తాత్కాలికంగా కలిగే సంతృప్తి. ప్రియమైనవారి స్పర్శ, రుచికరమైన భోజనం, మండుటెండలో నీడ, చలికాలంలో వెచ్చదనం, అలసిన శరీరానికి విశ్రాంతి వంటివన్నీ సుఖాలు. ఎంత వేగంగా వస్తుందో, అంతే వేగంగా కరిగిపోతుంది సుఖం. పరిమితి దాటితే అదే దుఃఖంగా మారుతుంది. ‘కపటాలే నేరిచెఁ గాని జీవుఁడు ఎపుడైన నిజ సుఖం బెరఁగఁడాయ’ అన్న అన్నమయ్య కీర్తనా పంక్తి ప్రకారం, మానవుడు క్షణికమైన లౌకిక సుఖాల వెంటపడి కపట నాటకాలు ఆడటం నేర్చుకున్నాడే తప్ప, ఇంద్రియాలకు అతీతమైన శాశ్వతమైన వాస్తవ సుఖాన్ని గుర్తించలేకపోతున్నాడు. భౌతిక సుఖం భ్రమ మాత్రమే, నిజమైన సుఖం భగవత్‌…