ఆ టపాసుల సంగతేంటో చూడండి: కేంద్రానికి సుప్రీం ఆదేశాలు

ఇంటర్నెట్ డెస్క్‌: దీపావళి సందర్భంగా దిల్లీలో ఈ నెల 7,8 తేదీల్లో ఉదయం 6 నుంచి 7 గంటల వరకు, రాత్రి 8 నుంచి 10 గంటల వరకు గ్రీన్‌ క్రాకర్స్‌ మాత్రమే కాల్చుకోవడానికి సోమవారం సుప్రీంకోర్టు (Supreme Court) అనుమతిచ్చింది. అయితే, కోర్టు ఆదేశాలను ధిక్కరించి.. కొందరు వ్యాపారులు దేశ రాజధానిలో అన్ని రకాల బాణసంచా (Crackers) విక్రయిస్తున్నట్లు స్థానిక మీడియాలో కథనాలు వచ్చాయి. వీటి గురించి మాట్లాడుతూ.. మంగళవారం న్యాయస్థానం ఆందోళన వ్యక్తం చేసింది. ‘ఈ రోజు మీడియాలో ఒక ఫోటో వచ్చింది. గ్రీన్‌ క్రాకర్స్‌ మాత్రమే కాల్చాలని నిన్న మేం ఆదేశాలు ఇచ్చినప్పటికీ.. మార్కెట్లో లైసెన్స్ ఉన్నవి, లేనివి, క్యూఆర్ కోడ్…

దిల్లీ-ఎన్‌సీఆర్‌ ప్రాంతంలో కాలుష్యాన్ని అరికట్టే ఉద్దేశంతో తాము బాణసంచాపై పరిమితులు విధించామని సుప్రీం కోర్టు పేర్కొంది. కానీ, క్షేత్రస్థాయిలో అవి సరిగ్గా అమలు కాకపోవడంపై అసహనం వ్యక్తం చేసింది. ఈ విధంగా అన్ని రకాల టపాసులు కాల్చితే దేశరాజధానిలో కాలుష్య (Pollution) సమస్య కచ్చితంగా తీవ్రమవుతుందని ఆందోళన వ్యక్తం చేసింది. మతపరమైన అంశాలతో ముడిపడి ఉన్న ఆచారాలను పాటించే హక్కు వ్యక్తులకు ఉంటుందని పేర్కొంది. అది రాజ్యాంగపరమైన ఆంక్షలను అతిక్రమించకూడదని హెచ్చరించింది. ఇదీ చదవండి: దీపావళి వేళ.. దిల్లీలో గ్రీన్‌ క్రాకర్స్‌కు ‘సుప్రీం’ అనుమతి